របាយការណ៍មួយបានបង្ហាញកាលពីថ្ងៃពុធថា ចំនួនភ្ញៀវទេសចរចិនទៅកាន់ប្រទេស កូរ៉េខាងជើង ហាក់មានការកើនឡើងយ៉ាងឆាប់រហ័សនៅឆ្នាំនេះ ចំពេលប្រទេសជិតខាងកុម្មុយនិស្តទាំងពីរ មានទំនាក់ទំនងកក់ក្តៅរវាងប្រទេសជិត។
យោងតាមទីភ្នាក់ងារព័ត៌មាន យ៉ុនហាប់ ចេញផ្សាយកាលពីយប់ថ្ងៃទី៣១ ខែកក្កដា នេះ បានឱ្យដឹងថា នៅក្នុងរបាយការណ៍ស្តីពីប្រទេសកូរ៉េខាងជើងដែល ចេញផ្សាយដោយវិទ្យាស្ថានអភិវឌ្ឍន៍កូរ៉េគ្រប់គ្រងដោយរដ្ឋ លោក Kim Han-gyu អនុប្រធានអង្គការទេសចរណ៍កូរ៉េបានប៉ាន់ប្រមាណថា ចំនួនភ្ញៀវទេសចរចិន ទៅកាន់ប្រទេសកូរ៉េខាងជើងបានកើនឡើងគួរឱ្យកត់សម្គាល់កាលពីឆ្នាំមុន ហើយចំនួនកើនឡើងនេះ ទំនងជានៅបន្តសម្រាប់ពេលបច្ចុប្បន្ននេះ។
លោក Kim Han-gyu បាននិយាយថា “នេះគឺជាសេណារីយ៉ូដែលអាចកើតមាន ប្រសិនបើទំនាក់ទំនងបច្ចុប្បន្នរវាងកូរ៉េខាងជើង និងចិន និងស្ថានភាពនយោបាយអន្តរជាតិនៅតែមាន ឬប្រសើរឡើង” ។
ប្រភព៖ដើមអំពិល
ប្រែសម្រួលៈ ណៃ តុលា
