យោងតាមមន្ត្រីក្នុងតំបន់បានឱ្យដឹងថា ទឹកជំនន់នៅទូទាំងប្រទេសមីយ៉ាន់ម៉ាបានបង្ខំឱ្យប្រជាជនរាប់ម៉ឺននាក់ចេញពីផ្ទះរបស់ពួកគេក្នុងប៉ុន្មានសប្តាហ៍ថ្មីៗនេះ។
រូបភាពពីលើអាកាសពីទីប្រជុំជន Shwegyin នៅតំបន់ Bago ភាគឦសានបានបង្ហាញឱ្យឃើញនូវតំបន់នេះដែលបានក្លាយជាផ្ទៃទឹកបឹងដ៏ធំទូលាយ មានតែដំបូលផ្ទះជាច្រើននៅតាមដងទន្លេ Sittaung ប៉ុណ្ណោះ ដែលអាចមើលឃើញ ហើយកម្លាំងសង្គ្រោះបន្ទាន់ត្រូវបានគេប្រមូលផ្តុំដើម្បីនាំប្រជាជនទៅកាន់តំបន់ដីគោក។មនុស្សជាច្រើនបានស្វែងរកទីជម្រកនៅក្នុងវត្តក្នុងតំបន់។
បើតាមក្រសួងសុខុមាលភាពសង្គម ជំនួយសង្គ្រោះ នឹងការតាំងទីលំនៅថ្មីនៅតំបន់ Bago និងរដ្ឋមន និងការ៉ែន ភាគច្រើនគឺបានរងគ្រោះដោយសារទឹកជំនន់ ហើយបច្ចុប្បន្ននេះមានប្រជាជនជាង ៣ម៉ឺននាក់នៅទូទាំងប្រទេសផ្លាស់ទីលំនៅដោយសារទឹកជំនន់៕
(ប្រភព VNA: បកប្រែដោយលោក មាស សំអុល)
