BBC បាននៅថ្ងៃទី១១ ខែសីហា ឆ្នាំ២០១៩ម្សិលមិញនេះថា យ៉ាងហោចណាស់មានមនុស្ស ២២ នាក់ ហើយបានបាត់បង់ជីវិត និងជាងមួយលាននាក់ទៀត ត្រូវបង្ខំឲ្យចាកចេញពីផ្ទះសំបែងរបស់ពួកគេ នៅពេលព្យុះទីហ្វុងLekimaបានចាប់ផ្តើម វាយប្រហារមកលើប្រទេសចិន។
ក្រុមមន្ត្រីបាននិយាយថា ការបាត់បង់ជីវិតភាគច្រើន គឺបណ្តាលមកពីការបាក់ដី បង្កឡើងដោយព្យុះ ខណៈដែលមនុស្ស១០នាក់ផ្សេងទៀត ត្រូវបានរាយការណ៍ថា បានបាត់ខ្លួន។ ព្យុះ Lekima បានបង្កឲ្យបាក់ដី នៅព្រឹកព្រលឹមថ្ងៃសៅរ៍ចុងសប្ដាហ៍នេះមកម្ល៉េះ ក្នុងទីក្រុង Wenling រវាងកោះតៃវ៉ាន់ និងទីក្រុងសៀងហៃ ប្រទេសចិន។
ដំបូងព្យុះនេះត្រូវបានគេទស្សទាយថា ជាព្យុះទីហ្វុងដ៏ខ្លាំងក្លា ប៉ុន្តែកម្លាំងរបស់វាបានចុះខ្សោយ មុនពេលមានបាក់ដី នៅតាមតំបន់មួយចំនួន។ ប៉ុន្តែមកដល់ពេលនេះ ការរអិលបាក់ដីបានបន្តកើតឡើង នៅWenzhou ជាទីដែលនៅជិតកន្លែងព្យុះ បានបក់បោកមកលើផ្ទៃដី៕
ប្រភព៖ AKP
ប្រែសម្រួល:ស៊ុនលី
