បើយោងតាមការតាមដាននៃអាកាសធាតុ របស់ក្រសួងធនធានទឹក និងឧតុនិយម នៅថ្ងៃទី២២ ខែសីហា ឆ្នាំ២០១៩នេះ បានឱ្យដឹងថា ដោយប្រព័ន្ធសម្ពាធទាបបាននឹងកំពុងអូសបន្លាយកាត់ពីលើប្រទេសថៃ ឡាវ និងវៀតណាម។ ចំណែកនៅមហាសមុទ្រខាងកើកប្រទេសហ្វីលីពីន មានកើតឡើងនូវព្យុះទី ១១ ឈ្មោះ បៃលូ ប៉ុន្តែមិនមានឥទ្ធិពលខ្លាំងមកលើប្រទេសកម្ពុជាទេ ដោយព្យុះនេះ មានដំណើរឆ្ពោះទៅកាន់កោះតៃវ៉ាន់ រួចបន្តដំណើរទៅប្រទេសចិន ភាគអាគ្នេយ៍ប៉ុណ្ណោះ។
តាមសេចក្ដីជូនដំណឹង ក៏បានឲ្យដឹងទៀតថា ដោយសារតែស្ថានភាពបែបនេះ ប្រទេសកម្ពុជាអាចនឹងមានភ្លៀងធ្លាក់
ចាប់ពីថ្ងៃទី ២២ ដល់ ២៤ ខែសីហា ស្ទើរទូទាំងប្រទេសកម្ពុជា អាចនឹងមានភ្លៀងធ្លាក់រាយប៉ាយក្នុងកម្រិតពីតិចទីបង្គួរ។ ហើយចាប់ពីថ្ងៃទី ២៥ ដល់ ២៨ ខែសីហា នៅតាមបណ្ដាលខេត្តនៅតំបន់មាត់សមុទ្រ រួមមានខេត្តកោះកុង និងខេត្តព្រះសីហនុ អាចនឹងមានភ្លៀងធ្លាក់ពីបង្គួរទៅច្រើន ហើយនៅលើផ្ទៃសមុទ្រមានខ្យល់បោកបក់ខ្លាំង និងរលក់សមុទ្រខ្ពស់។
ចំណែកបណ្ដាលខេត្តមួយចំនួន ចាប់ពីតំបន់វាលទំនាបភាកកណ្ដាលឡើងទៅលើ នឹងមានភ្លៀងធ្លាក់ពីបង្គួរទៅច្រើន និងផ្នែកមួយចំនួននឹងមានភ្លៀងធ្លាក់ខ្លាំង។ ហើយបណ្ដាលរាជធានី ខេត្តនៅបែកខាងក្រោម នឹងអាចមានភ្លៀងធ្លាក់ពីមធ្យមទៅបង្គួរ ហើយអាចមានផ្នែកខ្លះមានភ្លៀងធ្លាក់ច្រើនផងដែរ ៕
ព័ត៌មានជាតិ ថ្មីៗ
អត្តបទ៖ក្រសួងធនធានទឹក និងឧតុនិយម
កែសម្រួល ៖ អ៊ុន ណារាជ្យ
