មនុស្សយន្តកូនកាត់ រាប់រយគ្រឿង ត្រូវបានដាក់បង្ហាញ នៅក្នុងព្រឹត្តិការណ៍ សន្និសីទរ៉ូបូតពិភពលោកឆ្នាំ ២០១៩ (2019 World Robot Conference) នៅទីក្រុងប៉េកាំង ដែលដំណើរការពីថ្ងៃទី២០ ដល់២៥ ខែសីហា ឆ្នាំ២០១៩ ដែលគេបានរំពឹងថា នឹងមានក្រុមហ៊ុន ជិត២០០មកពី ២២ប្រទេស មកចូលរួមនេះបើយោងតាមការចេញផ្សាយ របស់គេហទំព័រឌៀលីម៉ែល។
ក្នុងព្រឹត្តិការណនេះ មានកន្លែងតាំងពិព័រណ៍ សម្រាប់ដាក់បង្ហាញបច្ចេកវិទ្យា និងផលិតផលរ៉ូបូត ថ្មីៗជាច្រើន រួមមាន Smart Bird ដែលត្រូវបានបង្កើតឡើង ដោយក្រុមហ៊ុនអាឡឺម៉ង់ Festo ដែលមានគំរូហោះហើរដូចបក្សីពិតៗ យន្តហោះគ្មានមនុស្សបើក បង្កើតឡើងដោយប្រើឌីណាមិក អាចហោះហើរបានយ៉ាងល្អ និងចុះចតដោយសុវត្ថិភាព ក្នុងនោះក៏មានរ៉ូបូតបម្រើឲ្យផ្នែកវេជ្ជសាស្ត្រ និងរ៉ូបូតវៃឆ្លាតដទៃទៀត ហើយជាមួយគ្នានោះ គ៏មានការប្រកួតជំនាញរ៉ូបូតចំនួន៤វិញ្ញាសា និងមានអ្នកចូលរួម ចំនួន៤,៥០០ នាក់ផងដែរ។
ប្រភព ៖ដើមអំពិល
អត្ថបទដោយ៖លី ភីលីព
កែសម្រួលដោយ៖ សេង ផល្លី
