តំបន់រមណីយដ្ឋានអង្គរ ត្រូវការព្រៃឈើបន្ថែមទៀត ខណៈបច្ចុប្បន្នមានតែ១៤ភាគរយប៉ុណ្ណោះ
បច្ចុប្បន្ននេះ ព្រៃឈើក្នុងតំបន់រមណីយដ្ឋានអង្គរ មានត្រឹមតែ១៤ភាគរយប៉ុណ្ណោះ លើផ្ទៃដីសរុប ៤០១គីឡូម៉ែត្រក្រឡា ដែលចំនួននៅមិនទាន់គ្រប់គ្រាន់ដើម្បីទាក់ទាញទឹកភ្លៀង សម្រាប់ទ្រទ្រង់បរិស្ថាននៅក្នុងតំបន់ការពារបេតិកភណ្ឌពិភពលោកនេះ នេះបើតាមការលើកឡើងពី លោក ឡុង កុសល ប្រធាននាយកដ្ឋានផ្សព្វផ្សាយ និងជាអ្នកនាំពាក្យអាជ្ញាធរជាតិអប្សរា កាលពីថ្ងៃទី១៦ ខែមីនា ឆ្នាំ២០២០។ ក្រៅពីលើកកម្ពស់ទេសភាពបៃតង ព្រៃឈើក្នុងតំបន់អង្គរមានតួនាទីសំខាន់ ក្នុងការរក្សាទឹកនៅក្នុងស្រទាប់ដី និងទាក់ទាញទឹកភ្លៀង ...
