ថ្ងៃទី០៥ ខែកក្កដា ឆ្នាំ២០១៩ ក្រុមការងារនាយកដ្ឋានទ្រទ្រង់បច្ចេកទេស និងគម្រោងអន្តរវិស័យនៃអាជ្ញាធរជាតិអប្សរា បានចុះត្រួតពិនិត្យសណ្ឋានដី បន្ទាប់ពីមានភ្លៀងធ្លាក់ប៉ុន្មានថ្ងៃជាប់ៗគ្នា នៅដើមរដូវវស្សាកន្លងមកនេះ នៅតាមប្រាសាទនានាក្នុងរមណីយដ្ឋានអង្គរ ដើម្បីបង្ការកុំឲ្យមានភក់ជោកជាំនៅតាមផ្លូវដើររបស់ភ្ញៀវចូលទស្សនាប្រាសាទ។
ទីតាំងដែលបានបំពេញដីបំបាត់ទឹកដក់នោះ រួមមាននៅមុខស្ពានបណ្តែតទឹក ច្រកចូលប្រាសាទអង្គរ និងមុខទីលានព្រះគន្លង់។ ក្រៅពីទីតាំងនេះ ក្រុមការងារអាជ្ញាធរជាតិអប្សរានឹងបន្តអនុវត្តន៍នៅតាមប្រាសាទនានាក្នុងរមណីយដ្ឋានអង្គរបន្ថែមទៀត ដើម្បីឲ្យភ្ញៀវអាចដើរទស្សនាឱ្យប្រសើឡើងជាបន្តបន្ទាប់ ជៀសវាងទឹកដក់បង្ករឱ្យមានការខូចខាត៕
លោក ឡុង កុសល អ្នកនាំពាក្យអាជ្ញាធរជាតិអប្សរាបញ្ជាក់ថា:ការចាក់ដីតាមក្រឡុកដក់ទឹក នៅតាមបណ្តាប្រាសាទនានា ក្នុងតំបន់អង្គរគឺធ្វើឡើងជាប្រចាំ ដោយក្រុមការងាររបស់អាជ្ញាធរជាតិអប្សរា ការងារនេះមិនធ្វើតែម្តងហើយទុកចោលនោះទេ គឺមានក្រុមការងារប្រចាំការចាំពិនិត្យតាមដាន ដើម្បីសម្រួលការធ្វើដំណើររបស់អ្នកទេសចរនៅតាមតំបន់ប្រាសាទ.ក្នុងករណីមានភ្លៀងខ្លាំង ឬជង្ហុកដក់ទឹកច្រើន ក្រុមការងារនឹងមានវិធានការដោះស្រាយទៅតាមស្ថានភាពជាក់ស្តែង។
អត្ថបទ និងរូបភាព ៖ លោក យូ វង្ស
កែសម្រួលអត្ថបទ ៖ លោក សេង ផល្លី
