កាលពីរសៀលថ្ងៃទី០៥ ខែកក្កដាម្សិលមិញនេះ មានភ្លៀងធ្លាក់មួយមេធំ លាយឡំនឹងខ្យល់កន្ត្រាក់ បានបង្កឲ្យលំនៅដ្ឋានប្រជាពលរដ្ឋចំនួន៦ខ្នង នៅក្នុងឃុំចំនួន៤ រងការខូចខាត។
តាមការឲ្យដឹងពី លោកវរសេនីយ៍ឯក ជី បេងជន អធិការនគរបាលស្រុកក្រឡាញ់ នៅព្រឹកថ្ងៃទី០៦ ខែកក្កដា ឆ្នាំ២០១៩នេះ លំនៅដ្ឋានរងការខូចខាតទាំង៦ខ្នងនោះ ស្ថិនៅកំពង់ថ្កូវ ឃុំចន្លាស់ដៃ ឃុំសែនសុខ និងឃុំក្រូចគរ នៃស្រុកក្រឡាញ់ ខេត្តសៀមរាប ក្នុងនោះឃុំកំពង់ថ្កូវ រលំទាំងស្រុង០២ខ្នង របើកដំបូលក្បើង ០១ខ្នង, ឃុំចន្លាស់ដៃ របើកដំបូល ០១ខ្នង, ឃុំសែនសុខ របើកដំបូល ០១ខ្នង និងឃុំក្រូចគរ របើកដំបូលទាំងស្រុក ០១ខ្នង ៕
អត្ថបទ និងរូបភាព ៖ លោក ជា ស្រស់
កែសម្រួលអត្ថបទ ៖ លោក សេង ផល្លី
