ផ្លូវថ្នល់គ្រប់គ្រងដោយអាជ្ញាធរជាតិអប្សរា នឹងត្រូវជួសជុលឡើងវិញទាំងអស់ ចាប់ផ្ដើមពីចុងឆ្នាំ២០១៨នេះតទៅ
មានប្រសាសន៍ក្នុងកិច្ចប្រជុំលើកទី១ របស់គណៈកម្មការអន្តរក្រសួង ដើម្បីសិក្សារៀបចំផែនការមេ សម្រាប់ការអភិវឌ្ឍវិស័យទេសចរណ៍នៅខេត្តសៀមរាប នៅសាលប្រជុំសាលាខេត្តសៀមរាប កាលពីរសៀលថ្ងៃទី៣០ ខែតុលា ឆ្នាំ២០១៨នេះ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និង ជាប្រធានអាជ្ញាធរជាតិអប្សរា បានអះអាងថា ផ្លូវថ្នល់ទាំងអស់ ដែលស្ថិតនៅក្រោមការគ្រប់គ្រងរបស់អាជ្ញាធរជាតិអប្សរា រួមទាំងផ្លូវថ្នល់ស្ថិតក្នុងវង់តូច និង វង់ធំផងដែរ ...
