នៅព្រឹកថ្ងៃទី៣១ ខែ តុលា ឆ្នាំ២០២០ ឯកឧត្តម ទៀ សីហា អភិបាលខេត្តសៀមរាប បានអញ្ជើញទទួលអំណោយសប្បុរសធម៌ ពីឯកឧត្តម ទៀ សុខា ប្រធានក្រុមការងារគណបក្សប្រជាជនចុះជួយសង្កាត់សាលាកំរើក និងក្រុមហ៊ុន វីរៈប៊ុនថាំ អេចប្រេស ទេសចរណ៍និងដឹកអ្នកដំណើរ ដើម្បីជួយដល់ប្រជាពលរដ្ឋក្នុងខេត្តសៀមរាប ដែលបានរងគ្រោះដោយទឹកជំនន់ កាលពីពេលថ្មីៗនេះ។
ឯកឧត្តមអភិបាលខេត្ត បានថ្លែងអំណរគុណដល់ទឹកចិត្តដ៏សប្បុរស របស់ ឯកឧត្តម ទៀ សុខា រួមនិងថ្នាក់ដឹកនាំក្រុមហ៊ុន វីរៈប៊ុនថាំ ដែលបានចូលរួមជាមួយរាជរដ្ឋាភិបាល ក្នុងការជួយសម្រួលការលំបាក ប្រជាពលរដ្ឋរងគ្រោះ ដែលមានជីវភាពក្រីក្រ។ ក្នុងនាមអាជ្ញាធរខេត្ត ឯកឧត្តម នឹងនាំយកអំណោយទាំងអស់នេះ ទៅចែកជូនប្រជាពលរដ្ឋ ខ្វះខាត ឲ្យបានទាន់ពេលវេលា។
អំណោយសប្បុរសធម៌ ដែលទទួលបាននាពេលនេះ រួមមាន អង្ករចំនួន ១០តោន ,មី ២០កេសធំ, ទឹកត្រី ៥០យួរ, ទឹកស៊ីអ៊ីវ ៥០យួរ, ទឹកបរិសុទ្ធ ៣០០យួរ ។
