វត្តដំណាក់ក្នុងក្រុងសៀមរាប បានទទួលការដង្ហែអង្គកឋិនសាមគ្គី សម្រាប់ទ្រទ្រង់ចង្ហាន់ព្រះសង្ឃ ក្រោយគង់ចាំព្រះវស្សា ព្រមទាំងជួសជុល និងកសាងគរុភ័ណ្ឌក្នុងវត្ត
នៅថ្ងៃទី២៧ ខែតុលា ឆ្នាំ២០២៤ គណៈកម្មការ អាចារ្យ និងប្រជាពុទ្ធបរិស័ទជិតឆ្ងាយបានមូលមតិគ្នា ដង្ហែអង្គកឋិនទានសាមគ្គី យកទៅវេរប្រគេន ដល់ភិក្ខុសង្ឃនៃវត្តដំណាក់ ក្រុងសៀមរាប ដើម្បីទំនុកបំរុងដល់ព្រះភិក្ខុសង្ឃដែលគង់ចាំវស្សាអស់រយៈពេលបីខែកន្លងមក ដែលអង្គកឋិនសាមគ្គី ទទួលបានបច្ច័យចំនួនជាង៦០លានរៀល សម្រាប់ទ្រទ្រង់ចតុបច្ច័យដល់ភិក្ខុ-សាមណេរក្នុងវត្តទាំង៧៤អង្គ ហើយថវិកាមួយចំនួនធំត្រូវបែងចែកយកទៅផ្គត់ផ្គង់សម្ភារៈសិក្សា ដល់ភិក្ខុ សាមណេរដែលកំពុងសិក្សារៀនសូត្រផ្នែកពុទ្ឋិក:បឋមសិក្សា និងពុទ្ឋិកៈវិទ្យាល័យ និងមួយផ្នែកទៀតលៃលក កែលំអ ...
