អាជ្ញាធរខេត្តសៀមរាប បញ្ជាក់ថាការចេះជំនាញផ្ទាល់ខ្លួនរបស់យុវជនជាកម្លាំងជំរុញឲ្យកម្ពុជា សម្រេចគោលដៅជាប្រទេសដែលមានចំណូលមធ្យមកំរិតខ្ពស់ នៅឆ្នាំ២០៣០
លោក នាក់ ណេរ៉ុន អភិបាលរងខេត្តសៀមរាប មានប្រសាសន៍ថា ក្រោមការយកចិត្តទុកដាក់របស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បាននាំប្រទេសកម្ពុជា ចាកចេញពីភាពក្រីក្រ និងកំណត់គោលដៅជាប្រទេសដែលមានចំណូលមធ្យមកំរិតខ្ពស់នៅឆ្នាំ២០៣០ខាងមុខនេះ ហើយការកំណត់បែបនេះមិនមែនជាការចៃដន្យនោះទេ ប៉ុន្តែវាស្តែងចេញពីសកម្មភាពពិត និងការចូលរួមពីគ្រប់ភាគី ជាពិសេសការចូលរួមពីយុវជន ហើយការចាប់យកជំនាញយ៉ាងតិចមួយ សម្រាប់យុវជនម្នាក់ គឺជាកម្លាំងចលករយ៉ាងសំខាន់នៅក្នុងការជំរុញកំណើនសេដ្ឋកិច្ចកម្ពុជា ឲ្យសម្រេចបាននូវគោលដៅក្លាយជាប្រទេសអភិវឌ្ឍន៍នៅឆ្នាំ២០៥០។ ...
