កិច្ចប្រជុំទ្វេភាគីលើកទី១១ នៃគណៈកម្មការបច្ចេកទេស កម្ពុជា-ថៃសម្រាប់កិច្ចសហប្រតិបត្តិការលើវិស័យព័ត៌មាននិងការផ្សព្វផ្សាយ(JTC) ត្រូវបានប្រារព្ធបើក កាលពីព្រឹកថ្ងៃទី០៣ ខែ កញ្ញា ឆ្នាំ ២០១៩ នាសណ្ឋាគារ កែបបេខេត្តកែប ប្រទេសកម្ពុជា ដោយមានការអញ្ជើញចូលរួមរបស់ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ឯកឧត្តមបណ្ឌិត ឆារ៉ូន ឆៃសន Charoon Chaisorn អគ្គនាយករង នៃអគ្គនាយកដ្ឋានទំនាក់ទំនងសាធារណៈនៃទីស្ដីការ នាយករដ្ឋមន្ត្រីថៃ និងឯកឧត្តម កែន សត្ថា អភិបាល នៃគណៈអភិបាល ខេត្តកែប ។
ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានមានប្រសាសន៍ថា កិច្ចប្រជុំគណៈកម្មការបច្ចេកទេសរួម
លើកទី១១ JTC ធ្វើឡើងក្រោមអនុស្សរណៈ នៃការយោគយល់គ្នារវាង រាជរដ្ឋាភិបាលកម្ពុជា និងរាជរដ្ឋាភិបាលថៃ ស្តីពីកិច្ចសហប្រតិបត្តិការលើវិស័យព័ត៌មាន និងការផ្សព្វផ្សាយ។ ឯកឧត្តម ក៏បានថ្លែងអំណរគុណដល់គណៈប្រតិភូថៃដែលបានស្នើសុំឱ្យមាន កិច្ចប្រជុំ JTC នៅខេត្តកែប ដែលជារមណីយដ្ឋានឆ្នេរស្រស់ស្អាតបំផុតមួយ របស់ប្រទេសកម្ពុជា។
ឯកឧត្តមរដ្ឋមន្ត្រី បានលើកពីដំណើរការនៃសន្និសីទកំពូលប្រពន្ធ័ផ្សព្វផ្សាយអាស៊ី AMS លើកទី១៦ នៅលើទឹកដីអង្គរ
នៃខេត្តសៀមរាប កាលពីពាក់កណ្តាលខែមិថុនាកន្លងមក ដែលមានគណៈប្រតិភូសារព័ត៌មានប្រទេសថៃ
បានអញ្ជើញចូលរួមផងដែរ នៅក្នុង សកម្មភាព និងការផ្សព្វផ្សាយព័ត៌មានប្រកបដោយឥទ្ធិពល។
ព័ត៌មានជាតិ ថ្មីៗ
ឯកឧត្តមបានរម្លឹកថា នេះគឺជាព្រឹត្តិការណ៍ប្រកបដោយភាពជោគជ័យមួយ ក្នុងការធ្វើកំណែទម្រង់យ៉ាងខ្លាំងពីសំណាក់ ប្រមុខរាជរដ្ឋាភិបាលកម្ពុជា។ ជាមួយគ្នានេះ កិច្ចប្រជុំ ក៏បានចេញសេចក្តីថ្លែងការណ៍ពី វិទ្យាស្ថានតំបន់អាស៊ី ប៉ា
ស៊ីហ្វិក ដើម្បីអភិវឌ្ឍន៍ប្រព័ន្ធផ្សព្វផ្សាយ ហៅកាត់ថាAIBD គំនិតផ្តួចផ្តើមប្រឆាំងព័ត៌មានក្លែងក្លាយអង្គរ។ឯកឧត្តមរដ្ឋមន្ត្រីបានកោតសរសើរចំពោះលទ្ធផលដ៏ល្អរបស់គណៈកម្មការបច្ចេកទេសកម្ពុជា-ថៃ សម្រាប់កិច្ចសហប្រតិបត្តិការលើវិស័យព័ត៌មាន និងការផ្សព្វផ្សាយ JTC ហើយបាននាំឱ្យមានការកែលម្អ និងពង្រឹងទំនាក់ទំនងមិត្តភាពបន្ថែមទៀត រវាងរដ្ឋាភិបាលទាំងពីរ និងជំរុញឱ្យមានការយោគយល់គ្នា ក្នុងចំណោមប្រជាជន នៃប្រទេសទាំងពីរកម្ពុជា-ថៃ។ ឯកឧត្តមក៏បានធ្វើឡើង ដូចជា ការផ្លាស់ប្តូរកម្មវិធីទូរទស្សន៍ វិទ្យុរូបថត អត្ថបទ ព័ត៌មាន ការផ្លាស់ប្តូរក្រុមផលិត ឯកសារជាដើម ។ លើសពីនេះទៀត កិច្ចសហប្រតិបត្តិការប្រព័ន្ធផ្សព្វផ្សាយនៅថ្នាក់ជាតិ និងខេត្តរវាងប្រទេសទាំងពីរកម្ពុជា-ថៃ ក៏ត្រូវបានពង្រីកនូវវឌ្ឍនភាព សម្រាប់បណ្តាខេត្ត តាមបណ្តោយព្រំដែន នៃប្រទេសកម្ពុជា និងថៃ ជាពិសេសកិច្ចសហប្រតិបត្តិការ ក្នុងកម្មវិធី វិទ្យុភ្លោះ តាមបណ្តោយព្រំដែន ក្នុងការធ្វើយ៉ាងណាឱ្យប្រជាជន នៃប្រទេសទាំងពីរ ទទួលបាន ព័ត៌មាន ស្តីពីវប្បធម៌ ទំនៀមទម្លាប់ ឆ្លងកាត់ព្រំដែន ការធ្វើពាណិជ្ជកម្ម ជាដើម។
សូមបញ្ជាក់ថា កិច្ចប្រជុំ JTC លើកទី ១១ នេះ គឺមានការអញ្ជើញចូលរួមមកពីតំណាង អគ្គនាយកដ្ឋានទាំង៥ចំណុះឱ្យក្រសួងព័ត៌មាន ប្រធានមន្ទីព័ត៌មាន ខេត្តសូមបញ្ជាក់ថា កិច្ចប្រជុំ JTC លើកទី ១១ នេះ គឺមានការអញ្ជើញចូលរួមមកពីតំណាង អគ្គនាយកដ្ឋានទាំង៥ចំណុះឱ្យក្រសួងព័ត៌មាន ប្រធានមន្ទីព័ត៌មាន ខេត្តសៀមរាប ព្រះវិហារ និងខេត្តឧត្តរមានជ័យ ដែលបណ្តាមន្ទីរព័ត៌មានទាំងនេះ បានធ្វើកិច្ចសហការជាមួយភាគីថៃលើការងារផ្សព្វផ្សាយបានល្អប្រសើរ៕
