ទូរទស្សន៍ BBC បានឲ្យដឹងនៅថ្ងៃទី៥ ខែកញ្ញា ឆ្នាំ២០១៩ថា ព្យុះសង្ឃរា Dorian ត្រូវគេព្យាករណ៍ថា នឹងបង្កការគំរាមកំហែងដល់អាយុជីវិត លើទឹកដីសហរដ្ឋអាមេរិក នៅតំបន់ឆ្នេរសមុទ្រខាងកើត ក្រោយពីបានបង្កការបំផ្លិចបំផ្លាញទូទាំង បាហាម៉ាស់ ។
អ្នករស់នៅរដ្ឋផ្លរីដា រហូតទៅដល់រដ្ឋ វីជីននៀ ត្រូវបានអាជ្ញាធរព្រមានដល់ប្រជាជនទាំងអស់ នៅពេលដែលខ្យល់ព្យុះប្រភេទទី២ រំកិលឆ្ពោះទៅភាគខាងជើង ។ ព្យុះនេះបានចុះខ្សោយ បន្ទាប់ពីបានសម្លាប់មនុស្ស យ៉ាងហោចណាស់២០នាក់នៅ បាហាម៉ាស់ ។
លោក Hubert Minnis នាយករដ្ឋមន្ត្រី បាហាម៉ាស់ បាននិយាយថា វាជាវិបត្តិជាតិដ៏ធំបំផុតមួយ នៅក្នុងប្រវត្តិសាស្ត្រ របស់ប្រទេសយើង ៕
ប្រភព៖ ដើមអំពិល
ប្រែសម្រួលដោយ៖ ម៉ៅ បុប្ផាមករា
កែសម្រួល៖ សេង ផល្លី
