យោងតាមទូរទស្សន៍ NHK បានផ្សាយថា រថយន្តដឹកទំនិញ និងរថភ្លើងមួយគ្រឿង បានបុកគ្នានៅផ្លូវដែកឆ្លងកាត់ នៅទីក្រុង យូកូហាម៉ា ប្រទេសជប៉ុន។ បន្ទាប់ពីបុកគ្នាហើយ រថយន្តដឹកទំនិញបានឆាបឆេះ ចំណែកអ្នកដំណើរ បានរត់ចេញពីរថភ្លើង ដែលក្រឡាប់នោះ។ របាយការណ៍បាននិយាយថា យ៉ាងហោចណាស់មនុស្ស ៣០ នាក់រួមទាំងអ្នកបើកបររថយន្ត ដឹកទំនិញបានរងរបួស។
ហេតុការណ៍គ្រោះថ្នាក់នេះ បានកើតឡើងនៅវេលាម៉ោង ១១ និង៤០នាទី ម៉ោងក្នុងស្រុក ហើយប៉ូលីស កំពុងស៊ើបអង្កេត រកមូលហេតុនៃគ្រោះថ្នាក់នេះ។ ទន្ទឹមនោះ ផ្នែកមួយនៃខ្សែរថភ្លើង Keikyu រវាង Kawasaki និង Kamiooka ត្រូវបានអាជ្ញាធរផ្អាកដំណើរការជាបណ្ដោះអាសន្ន ៕
ប្រភព៖ ដើមអំពិល
ប្រែសម្រួលៈ ណៃ តុលា
កែសម្រួលដោយ សេង ផល្លី
