កាលពីថ្ងៃទី០៥ ខែកញ្ញា ឆ្នាំ២០១៩នេះ ក្នុងឱកាសដែលកម្លាំងប៉ុស្តិ៍នគរបាលរដ្ឋបាលឃុំស្វាយលើ នៃអធិការដ្ឋាននគរបាលស្រុកស្វាយលើ សហការជាមួយកម្លាំងពាក់ព័ន្ធ និងមេភូមិបិតផ្កា ឃុំស្វាយលើបានបើកកិច្ចប្រជុំផ្សព្វផ្សាយស្តីពីគោលនយោបាយភូមិឃុំមានសុវត្ថិភាពជូនប្រជាពលរដ្ឋ ហើយក្រោយពីបានស្តាប់ការផ្សព្វផ្សាយចប់ ប្រជាពលរដ្ឋភូមិបិតផ្កា បានស្ម័គ្រចិត្តប្រគល់អាវុធកែច្នៃកាំភ្លេីងខ្យល់ជូនដល់សមត្ថកិច្ចនគរបាល សរុបចំនួន១៦ដើមរួម និង បំពង់ទប់ខ្យល់ចំនួន៣ផងដែរ ។
សូមបញ្ជាក់ថា ក្នុងឆ្នាំ២០១៩នេះ មានអាវុធកែច្នៃប្រភេទខ្យល់សរុបចំនួន ១៨០ ដើមហើយ ដែលប្រជាពលរដ្ឋបានស្ម័គ្រចិត្តប្រគល់ជូនដល់សមត្ថកិច្ចនគរបាល ក្នុងនោះ នៅស្រុកស្វាយលើ ចំនួន ១៥៨ ដើម មានប្រភេទអាវុធខ្យល់ចំនួន៥៨ដើម និង អាវុធព្រៃចំនួន ៩៩ ដើម និង នៅស្រុកវ៉ារិន ចំនួន ២២ ដើម ជាប្រភេទអាវុធខ្យល់ ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
