នៅព្រឹកថ្ងៃទី០៥ ខែកញ្ញា ឆ្នាំ២០១៩នេះ គណ:បញ្ជាការឯកភាពសង្កាត់ដែលមានប៉ុស្តិ៍នគរបាលរដ្ឋបាលសង្កាត់ជាសេនាធិការ ដឹកនាំដោយលោក អ៊ូច សុខេន អនុប្រធានគណ:បញ្ជាការឯកភាពសង្កាត់និងជាប្រធានប៉ុស្តិ៍នគរបាល បានដឹកនាំកម្លាំងនគរបាល និងមានប្រជាការពារ បានចុះទៅធ្វើការបង្ក្រាបបទល្មើសដាក់មងចាប់សត្វគ្រប់ប្រភេទនៅតំបន់ភ្នំក្រោម។
កម្លាំងនគរបាល បានឲ្យដឹងថា ក្នុងការចុះបង្ក្រាបនេះក្រុមការងារ បានចុះបង្ក្រាប និងរុះរើទីតាំងដាក់មងចាប់សត្វស្លាបបានចំនួន០៩កន្លែង រឹបអូសយកឧបករណ៍(មង)ចំនួន០៩ខ្សែ ស្មើនឹងប្រវែង៤៥០ម៉ែត្រ ហើយសម្រាប់ឧបករណ៍បង្ករបទល្មើស ត្រូវបានសមត្ថកិច្ចយកមកតម្កល់ទុកនៅសាលាសង្កាត់សៀមរាប ក្រុងសៀមរាប។
ទន្ទឹមការបង្ក្រាបបទល្មើសនេះដែរ កម្លាំងនគរបាល ក៏សូមអំពាវនាវដល់បងប្អូនប្រជាពលរដ្ឋទាំងអស់សូមបញ្ឈប់សកម្មភាពទាំងនេះបន្តទៅទៀត ហើយសូមនាំគ្នាងាកមកថែរក្សា និងអភិរក្សរបស់ដែលមានស្រាប់ទុកជាផលប្រយោជន៍រួម ។ ម្យ៉ាងទៀត ប្រសិនជាបងប្អូននៅតែបន្តការដាក់មង និងបំផ្លាញសត្វរបៀបនេះទៀត អាជ្ញាធរមានសមត្ថកិច្ចនឹងចាត់វិធានការទៅតាមផ្លូវច្បាប់ ដោយពុំឱ្យជនណាម្នាក់រួចផុតឡើយ ៕
ព័ត៌មានជាតិ ថ្មីៗ
អត្តបទនិងរូបភាព៖រដ្ឋបាលខេត្តសៀមរាប
កែសម្រួល៖ អ៊ុន ណារាជ្យ
