សហរដ្ឋអាមេរិក ប្រទេសអង់គ្លេស និងប្រទេសចិន តាមសេចក្តីរាយការណ៍ នាពេលថ្មីៗនេះ បានធ្វើការប្រកាសនូវ ការប្តេជ្ញាផ្តល់ជំនួយ ថវិកានិងទំនិញ ដើម្បីជួយដល់ ប្រទេសបាហាម៉ា ដែលរងការវាយប្រហារ ខ្ចេចខ្ចាំដោយព្យុះដ៏ធំ។
ក្រុមសង្គ្រោះបន្ទាន់ ទាំងយោធានិងស៊ីវិល មកពីសហរដ្ឋអាមេរិក ទើបត្រូវបានបញ្ជូនទៅ កាន់ប្រទេសបាហាម៉ា ជាទីដែលមានប្រជាជនរាប់សែននាក់ ត្រូវការចំណីអាហារ និងគ្រឿងផ្គត់ផ្គង់ បន្ទាប់ពីខ្យល់ព្យុះ Hurricane Dorian បានវាយប្រហារ ទៅលើប្រទេស ដែលមានប្រជាជន រាប់សែននាក់ ស្នាក់នៅលើកោះតូចៗ។
ចំណែកប្រទេសអង់គ្លេស បានប្តេជ្ញាចំណាយ ប្រាក់១,២៣លានដុល្លារ ផ្តល់ជំនួយសំខាន់ៗដឹកតាមនាវាទ័ពជើងទឹកអង់គ្លេស និងបានបញ្ជូនឧទ្ធម្ភាគចក្រ ឲ្យអមដំណើរជាមួយ នាវានោះ ដើម្បីសង្គ្រោះពលរដ្ឋ អង់គ្លេសមួយរូប ដែលជាប់នៅក្រោម គំនរបាក់បែក ជាច្រើនថ្ងៃ លើកោះ Great Abaco ប្រទេសបាហាម៉ា ហើយប្រទេសចិនវិញ ក៍បានប្តេជ្ញាផ្តល់ទំនិញ មានទំហំទឹកប្រាក់២០.០០០ដុល្លារ និងបានអះអាងថា នឹងផ្តល់ជំនួយ បន្ថែមទៀតផង៕
ប្រភព ៖ដើមអំពិល
ប្រែសម្រួល៖ប៉ាង កុង
