ស្លាប់មនុស្សចំនួន៧នាក់ ក្នុងករណីធ្លាក់យន្តហោះនៅកូឡំប៊ី

ទីភ្នាក់ងារព័ត៌មានចិន ស៊ិនហួ បានចុះផ្សាយនៅរាត្រីថ្ងៃទី១៦ ខែកញ្ញា ឆ្នាំ២០១៩ថា ក្រុមមន្ត្រីបាន បញ្ជាក់ថា យ៉ាងហោចណាស់មនុស្សចំនួន៧នាក់ បានបាត់បង់ជីវិត នៅគ្រាដែលយន្ត ហោះធុនតូច១គ្រឿង បានធ្លាក់កាលពីថ្ងៃអាទិត្យ នៅក្នុងស្រុកមួយឈ្មោះ Popayan ដែលជាទីប្រជុំជនមួយនៅ ភាគនីរតីនៃប្រទេស កូឡុំប៊ី ។

សេចក្តីថ្លែងការណ៍របស់ទីភ្នាក់ងារអាកាសចរណ៍ស៊ីវិល កូឡំប៊ី បានឲ្យដឹងថា យន្តហោះនោះ ជាកម្មសិទ្ធិរបស់ក្រុមអាកាសចរណ៍មួយឈ្មោះថា Transpacifico ដែលបានធ្លាក់ក្រោយពីបាន ហោះហើរបានមិនបានប៉ុន្មានផងពីក្រុង Payan ។

បើយោងតាមរបាយការណ៍បឋម បានបញ្ជាក់ថា យន្តហោះដែលមានម៉ាស៊ីន២ ម៉ាក Piper PA-31-350 ដែលចេញពីក្រុង Popayan ឆ្ពោះទៅកាន់ Lopez de Micay ក្រុងមួយទៀតនៅ Cauca បានធ្លាក់នៅវេលាម៉ោង២ល្ងាច ម៉ោងក្នុងស្រុក ត្រូវនឹងម៉ោង១៩និង០០នាទី ម៉ោងសកល ក្រោយពីមានបញ្ហា ផ្នែកមេកានិក ៕

ប្រភព៖ដើមអំពិល
ប្រែសម្រួលដោយ៖ ម៉ៅ បុប្ផាមករា