ក្រសួងការបរទេស បានឲ្យដឹងថា សហរដ្ឋអាមេរិក បានត្រៀមខ្លួនជាស្រេច ដើម្បីបន្តការចរចា ការរំសាយអាវុធនុយក្លេអ៊ែរ ជាមួយប្រទេសកូរ៉េខាងជើង បន្ទាប់ពីកូរ៉េខាងជើង បានទាមទារការផ្លាស់ប្តូរស្នៀតឡើងវិញ របស់ក្រុងវ៉ាស៊ីនតោន។
មុននេះអគ្គនាយក ទទួលបន្ទុកកិច្ចការអាមេរិក នៅក្រសួងការបរទេសកូរ៉េខាងជើង បានចេញសេចក្តីថ្លែងការណ៍ អំពាវនាវដល់សហរដ្ឋអាមេរិក ឲ្យលុបចោលរាល់ការគំរាមកំហែង និងឧបសគ្គនានា មុនពេលដែលភាគីទាំងពីរ ពិភាក្សាពីការរំសាយ អាវុធនុយក្លេអ៊ែររបស់របបនេះ។
សេចក្តីថ្លែងការណ៍នេះ ធ្វើឡើងបន្ទាប់ពីមានការស្នើសុំ ពីអនុរដ្ឋមន្ត្រីការបរទេសទីមួយ Choe Son-hui ដើម្បីបន្តកិច្ចពិភា ក្សានៅចុងខែកញ្ញា។
អ្នកនាំពាក្យក្រសួងការបរទេស បានប្រាប់ទីភ្នាក់ងារសារព័ត៌មានយ៉ុនហាប់ថា “យើងសូមស្វាគមន៍ ចំពោះការប្តេជ្ញាចិត្តរបស់កូរ៉េខាងជើង ដើម្បីបន្តការចរចានៅចុងខែកញ្ញា”៕
ប្រភព៖ដើមអំពិល ដោយ៖ ឈូក បូរ៉ា
