ប្រទេសកូរ៉េខាងត្បូង បានដកប្រទេសជប៉ុន ចេញពីបញ្ជីនៃដៃគូពាណិជ្ជកម្ម ដែលអាចទុកចិត្តបានរបស់ខ្លួន កាលពីថ្ងៃពុធ ដោយជម្លោះពាណិជ្ជកម្មដ៏ក្ដៅគគុក របស់ប្រទេសទាំងពីរ ភាគច្រើនកើតចេញ ពីបញ្ហាប្រវត្តិសាស្ត្ររួម។
យោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់ បានឲ្យដឹងថា ក្រោមគ្រោងការណ៍ នៃការធ្វើចំណាត់ថ្នាក់ថ្មី ក្រសួងពាណិជ្ជកម្មទីក្រុងសេអ៊ូល បានរៀបចំដៃគូពាណិជ្ជកម្មរបស់ខ្លួនជា ៣ក្រុម ដែលពីមុនមានតែ ២ក្រុ ដោយដាក់ទីក្រុងតូក្យូ ជាក្រុមដែលនៅចំពោះមុខ។
ក្រុមហ៊ុនក្នុងស្រុក ដឹកជញ្ជូនទំនិញយុទ្ធសាស្ត្រទៅជប៉ុន ពេលនេះនឹងត្រូវបញ្ជូនឯកសារចំនួន ៥ ដើម្បីទទួលបានការឯកភាពពីបុគ្គល ដែលមានចំនួនច្រើនជាងចំនួន ៣ កាលពីមុន។ យោងតាមក្រសួងបានឱ្យដឹងថា ដំណើរការអនុម័តនេះ ក៏នឹងចំណាយពេលប្រហែល ១៥ថ្ងៃ ដែលវែងជាងរយៈពេល ៥ លើកមុន៕
ប្រភព៖ដើមអំពិល
ដោយ៖ ឈូក បូរ៉ា
