ទូរទស្សន៍BBC ចេញផ្សាយកាលពីថ្ងៃពុធ ទី១៩ ខែកញ្ញានេះ បានឲ្យដឹងថាយន្តហោះចម្បាំង F-16 របស់បែលហ្ស៊ិកមួយគ្រឿង បានធ្លាក់នៅភាគ ពាយព្យនៃប្រទេសបារាំង ហើយបានបណ្តាលឲ្យអ្នក បើកយន្តហោះម្នាក់ត្រូវ ជាប់គាំងនៅលើខ្សែភ្លើងដែលមានចរន្តអគ្គិសនីខ្ពស់ មួយកន្លែង។
កងទ័ពអាកាសបែលហ្ស៊ិក បាននិយាយថាអ្នកបើកបរ ទាំងពីរនាក់បានគេចចេញដោយជោគជ័យពីការជាប់គាំងនៅលើខ្សែភ្លើងហើយត្រូវបានទាញចេញរួចរាល់នៅក្បែរទីក្រុង Lorient ក្នុងទីក្រុង Brittany ហើយអ្នកបើកបរយន្តហោះទាំងពីរ គឺសុទ្ធតែមានសុវត្ថិភាពល្អដូចគ្នា។ ប្រព័ន្ធផ្សព្វផ្សាយបារាំងនិយាយថា ការធ្លាក់យន្ដហោះនេះបានកើតឡើង នៅខាងកើតជិតតំបន់Pluvigner ។
បណ្តាញព័ត៌មានក្នុង ស្រុកបានរាយការណ៍ថា ខ្សែភ្លើងដេលបុរសរូបនេះ បានជាប់គាំងមានថាមពលខ្ពស់ ដល់ទៅ២៥០,០០០វ៉ុល៕
ប្រភព៖ដើមអំពិល
ប្រែសម្រួល:ស៊ុនលី
