ប្រទេសឥណ្ឌាកាលពីថ្ងៃពុធបានចេញ សេចក្តីប្រកាសជាផ្លូវការមួយ ក្នុងការហាមឃាត់ទាំងស្រុង លើការលក់បារី អេឡិចត្រូនិកទាំងអស់ ដោយលើកយកមូលហេតុ ថាឧបករណ៍ទាំងនេះ នឹងអាចបង្កគ្រោះថ្នាក់ ដល់សុខភាព ជាពិសេសចំពោះ យុវជន។
រដ្ឋមន្ត្រីក្រសួងហិរញ្ញវត្ថុ ឥណ្ឌា លោកស្រី Nirmala Sitharaman បាននិយាយកាលពីថ្ងៃពុធថា ពិតមែនដែរបារីអេឡិចត្រូនិក ទាំងនោះត្រូវបានផ្សព្វផ្សាយ កាលពីដំបូងឡើយថា ជាមធ្យោបាយមួយ ដែលអាចជួយមនុស្សអ្នកចូលចិត្ត ជក់បារី គេចចេញផុតពី ទម្លាប់ជក់បារី។
លោកស្រីបានបន្ថែមទៀតដែរថា គណៈរដ្ឋមន្ត្រី បានធ្វើការពិចារណា បានយ៉ាងត្រឹមត្រូវ ថាវាដល់ពេលហើយ ដែលយើងគួរតែធ្វើការសម្រេចចិត្ត ជាបន្ទាន់មួយ នៅពេលនេះដើម្បីកុំអោយ សុខភាពរបស់ប្រជាជន យើងជាពិសេសក្មេងៗ នឹងមិនត្រូវប្រឈមមុខ នឹងហានិភ័យ នាពេលអនាគត៕
ប្រភព៖ដើមអំពិល
ប្រែសម្រួល:ស៊ុនលី
