ឧបនាយរដ្ឋមន្ត្រីឡាវ លោក សូ ណេសាយ ស៊ីផាន់ដុន ( Sonexay SiPhandone )បាននិយាយពីថ្ងៃសៅរ៍ថា ជិត៨០ភាគរយនៃការសាងសង់ផ្លូវដែកចិន-ឡាវ បានបញ្ចប់ហើយ ។
នៅឯការតាំងពិព័រណ៌ចិន-អាស៊ាន ដែលធ្វើនៅណាននីង រដ្ឋធានីតំបន់ស្វយ័តក្វាងស៊ីជួង ប្រទេស ចិនភាគខាងត្បូងនោះ លោក សូណេសាយ បាននិយាយថា ផ្លូវដែកនេះនឹងបម្រើធ្វើជាហេដ្ឋារចនាសម្ព័ន្ធ យ៉ាងសំខាន់មួយសម្រាប់ច្រករបៀងសេដ្ឋកិច្ចរវាងប្រទេសទាំងពីរ ព្រមទាំងជួយជំរុញពាណិជ្ជកម្ម,ការធ្វើវិនិយោគ និងទេសចរណ៍ ។ ជាមួយនឹងល្បឿនមួយដែលបានរៀបចំឡើង ១៦០គីឡូម៉ែត្រ ក្នុងមួយម៉ោងនោះផ្លូវដែកចិន-ឡាវ គេរំពឹងថា នឹងដំណើរការយ៉ាងពេញលេញក្នុងឆ្នាំ២០២១ ។
លោក សូ ណេសាយ បានឱ្យដឹងថា ការធ្វើវិនិយោគរបស់ចិនក្នុងប្រទេសឡាវជាសំខាន់ បានផ្តោតទៅលើគម្រោងហេដ្ឋារចនាសម្ព័ន្ធដូចជារោងចក្រវារីអគ្គិសនី, ផ្លូវជាតិខ្សែបណ្តាញអគ្គិសនី ៕
( ប្រភពស៊ីនហួ បកប្រែដោយលោក ប៉ិន មឿន)
