The New York Times ចេញផ្សាយនៅថ្ងៃចន្ទ ទី២៣ ខែកញ្ញា បានសរសេរថា រដ្ឋាភិបាលក្រុងប៉េកាំង បានចាប់ផ្តើមយុទ្ធការមួយ ដ៏កក្រើកដើម្បីប្រឆាំងទៅនឹង ក្រុមជនជាតិដែលគោរព សាសនាអ៊ីស្លាមនៅភាគពាយ័ព្យ។ ក្នុងនោះអាជ្ញាធរបានបំផ្លាញខ្ទមតូចៗ និងវិហារអ៊ីស្លាមនៅក្នុងភូមិតូចមួយ នៅជិតតំបន់លីនសៀជា ទីក្រុងមួយដែលត្រូវបានគស្គាល់ថា ជា Little Mecca។
នៅខេត្ត Yunnan ភាគខាងត្បូងវិញ គេបានដឹងថា វិហារអ៊ីស្លាមចំនួនបីកន្លែង ត្រូវបានបិទខណៈដែលចាប់ពី ទីក្រុង Beijing ដល់ Ningxia ក្រុមមន្ត្រីបានហាមឃាត់ការ ប្រើប្រាស់អក្សរអារ៉ាប់ជាសាធារណៈ។
យុទ្ធនាការនេះតំណាងឱ្យ រណសិរ្សថ្មីបំផុតរបស់ បក្សកុម្មុយនីស្តចិនដែល បានវិលត្រឡប់មកការរឹតបន្តឹង ផ្នែកសេរីភាពសាសនាឡើងវិញ បន្ទាប់ពីមានការបើកចំហទាក់ទងគ្នា ជាច្រើនទសវត្សដែលអនុញ្ញាត ឱ្យអ៊ីស្លាមនិយមមធ្យមកាន់តែច្រើនឡើងៗ នៅក្នុងប្រទេស។ ក្នុងចំណោមនោះការបង្ក្រាប យ៉ាងឃោរឃៅទៅលើជនមូស្លីម ដែលបានចាប់ផ្តើមជាមួយជនជាតិ Oighurs នៅ Xinjiang កំពុងរាលដាលដល់តំបន់ និងក្រុមជាច្រើនទៀតផងដែរ ៕
ប្រភព៖ដើមអំពិល
ប្រែសម្រួល: ស៊ុន លី
