ទីភ្នាក់ងារព័ត៌មាន ចិនស៊ិនហួ បានចុះផ្សាយកាលពីថ្ងៃទី២៣ ខែកញ្ញា ឆ្នាំ២០១៩ថា ប្រទេសចិន បានទទួល ជោគជ័យក្នុងការបញ្ជូន ផ្កាយរណបចំនួន២គ្រឿង ដែលមានឈ្មោះថា BeiDou (BDS) ដែលបម្រើដល់វិស័យ នាវាចរណ៍ ទៅកាន់ទីលំហ ដោយបង្ហោះចេញពីមជ្ឈមណ្ឌល បាញ់បង្ហោះផ្កាយ រណបនៅក្នុងខេត្ត ស៊ីចាង នៅវេលាម៉ោង៥និង១០ព្រឹកថ្ងៃចន្ទ ។
គួរបញ្ជាក់ថា ការបាញ់បង្ហោះ តាមរយៈគ្រាប់រ៉ុក្កែត Long March-3B បានបញ្ជូនផ្កាយរណបចំនួន២ គ្រឿងទៅកាន់ដងតារាវិថី ។ ផ្កាយរណបទាំងនោះ ជាការបាញ់បង្ហោះលើកទី៤៧ និងលើកទី៤៨នៃ ផ្កាយរណបដែលចាត់ចូលជាក្រុមផ្កាយរណប BDS សម្រាប់ការបំពេញបេសកកម្មជាលើកទី៣១២របស់ប្រទេសចិន ៕
ប្រភព៖ដើមអំពិល
ប្រែសម្រួលដោយ៖ ម៉ៅ បុប្ផាមករា
