ប្រធានាធិបតីសហរដ្ឋអាមេរិកលោក ដូណាល់ ត្រាំ បាននិយាយថា ប្រទេសកូរ៉េខាងជើងត្រូវតែដកអាវុធនុយក្លេអ៊ែរ ដើម្បីទាញសក្តានុពលសេដ្ឋកិច្ចដ៏ខ្លាំងរបស់ខ្លួន។
នៅក្នុងសុន្ទរកថាមួយ ដែលថ្លែងទៅកាន់មហាសន្និបាត អ.ស.ប នៅទីក្រុងញូវយ៉ក លោក Trump បាននិយាយថា លោកបានថ្លែងសារនេះទៅកាន់មេដឹកនាំកូរ៉េខាងជើងលោក គីម ជុង-អ៊ុន ដើម្បីធ្វើការចរចាគ្នាពីការរុះរើកម្មវិធីអាវុធនុយក្លេអ៊ែររបស់កូរ៉េខាងជើង ធ្វើជាថ្នូរនឹងការផ្តល់សម្បទានសេដ្ឋកិច្ច និងនយោ បាយរបស់សហរដ្ឋអាមេរិក។
សុន្ទរកថារបស់លោកបានធ្វើឡើងនៅពេលដែលសហរដ្ឋអាមេរិក និងកូរ៉េខាងជើងត្រូវបានគេរំពឹងថា នឹងបន្តការចរចានុយក្លេអ៊ែរកម្រិតការងារនៅក្នុងប៉ុន្មានសប្តាហ៍ខាងមុខនេះ។
លោក Trump បាននិយាយថា ខ្ញុំបានប្រាប់លោក គីម ជុង-អ៊ុន នូវអ្វីដែលខ្ញុំជឿជាក់ដូចជានៅប្រទេស អ៊ីរ៉ង់ ដោយប្រទេសរបស់លោក គឺពោរពេញទៅដោយសក្តានុពលដ៏ធំធេង និងមិនទាន់បានអនុវត្តន៍នៅឡើយ។
(ប្រភព យន់ហាប់: បកប្រែដោយលោក មាស សំអុល)
