ទូរទស្សន៍BBC ចេញផ្សាយ នៅថ្ងៃចន្ទទី៣០ខែកញ្ញានេះ បានឲ្យដឹងថា ប្រទេសចិននឹងរៀបចំធ្វើព្យុហយាត្រាយោធា ដ៏ធំបំផុតមួយដែលមិនធ្លាប់មាននៅថ្ងៃអង្គារនេះ។
វាត្រូវបានគេមើលឃើញថាគឺជាផ្នែកមួយ នៃការប្រារព្ធខួប៧០ឆ្នាំនៃការគ្រប់គ្រងរបស់បក្សកុម្មុយនិស្ត ហើយទីក្រុងប៉េកាំងបានបញ្ជាក់ផងដែរថា ខ្លួននឹងបង្ហាញជាផ្លូវការនូវសព្វាវុធ ដ៏ថ្មីបំផុតមួយរបស់ខ្លួនផងដែរ។
ក្បួនដើរព្យុហយាត្រាយោធាដែលជាផ្នែកមួយ នៃថ្ងៃដ៏ធំនៃការប្រារព្ធពិធីនឹងធ្វើឡើង នៅទីលានធានអានមេន Tiananmen Square នៅចំពោះមុខវត្តមានរបស់ មន្ត្រីរដ្ឋាភិបាល សមាជិកដែលត្រូវបានជ្រើសរើសជាសាធារណៈនិងយោធាចំនួន ១៨៨ នាក់មកពី ៩៧ ប្រទេស។
ក្រសួងការពារជាតិបានអះអាងទៀតថា បុគ្គលិកយោធាចំនួន១៥,០០០នាក់ នឹងចូលរួមក្នុងព្រឹត្តិការណ៍នេះហើយក្នុងនោះ រួមមាន យោធា៥៩អង្គភាពផ្សេងគ្នា ខណៈដែលគ្រឿងបរិក្ខារយោធា៥៨០ នឹងធ្វើដំណើរឆ្លងកាត់តាមដងផ្លូវហើយ យន្តហោះ ១៦០ គ្រឿងនឹងហោះ ពីលើអាកាសទៀតផង៕
ប្រភព៖ដើមអំពិល
ប្រែសម្រួល:ស៊ុនលី
