រដ្ឋមន្ត្រីក្រសួងការពារជាតិ សហរដ្ឋអាមេរិកលោក Mark Esper បាននិយាយកាលពីថ្ងៃព្រហស្បតិ៍ថា សហរដ្ឋអាមេរិកនឹងដាក់ ពង្រាយបុគ្គលិកជំនួយប្រហែល ២០០ នាក់ និងឧបករណ៍ការពារមីស៊ីលទៅកាន់ ប្រទេសអារ៉ាប់ប៊ីសាអូឌីត បន្ទាប់ពីការវាយប្រហារ ទៅលើទីតាំងប្រេងរបស់ប្រទេសនេះ។
យោងតាមទីភ្នាក់ងារ ព័ត៌មានចិន ស៊ិនហួ ចេញផ្សាយនៅថ្ងៃទី២៧ ខែកញ្ញា ឆ្នាំ២០១៩ បានឱ្យដឹងថា លោក Mark Esper បានប្រកាសនៅ ក្នុងសេចក្តីថ្លែងការណ៍ មួយដែលចេញផ្សាយដោយ មន្ទីរប៉ង់តាហ្គោនថាអាមេរិកនឹងបញ្ជូន ប្រព័ន្ធដំណើរការមីស៊ីល Patriot ចំនួន០១, រ៉ាដា Sentinel ចំនួន០៤ និងបុគ្គលិកផ្តល់ជំនួយប្រមាណ ២០០ នាក់ទៅកាន់ អារ៉ាប៊ីសាអូឌីត។ការផ្លាស់ប្តូរនេះនឹងបង្កើនការការពារ ដែនអាកាស និងមីស៊ីលរបស់ ហេដ្ឋារចនាសម្ព័ន្ធយោធា និងស៊ីវិល។
នៅក្នុងសេចក្តីថ្លែងការណ៍នោះ លោក Esper បានបន្ថែមទៀតថា លោកក៏បានយល់ ព្រមដាក់កងកម្លាំងសហរដ្ឋអាមេរិក បន្ថែមទៀត ដើម្បីត្រៀមដាក់ពង្រាយតាម ការបញ្ជាដែលរួមមាន ប្រព័ន្ធមីស៊ីល Patriot ចំនួន ២ គ្រឿងបន្ថែមទៀត និងប្រព័ន្ធការពារមីស៊ីលប្រភេទ THAAD៕
ប្រភព៖ដើមអំពិល
ប្រែសម្រួលៈ ណៃ តុលា
