នៅវេលាម៉ោង ០៥:៣០នាទីព្រឹក ថ្ងៃទី០១ ខែតុលា ឆ្នាំ២០១៩នេះ មានគ្រោះថ្នាក់ចរាចរណ៍មួយកើតឡើង រវាងរថយន្តក្រុងរិទ្ធមុនី បានបុកជាមួយរថយន្តកាមរីឆ្លាម បណ្ដាលឲ្យអ្នកបើកររថយន្តកាមរីឆ្លាម ជានាយប៉ុស្តិ៍នគរបាល ឃុំប្រាសាទ ស្រុកសន្ទុក ខេត្តកំពង់ធំ កៀបជាប់នឹងរថយន្តស្លាប់ ស្ថិតលើកំណាត់ផ្លូវជាតិលេខ៦ ក្នុងភូមិគោករលួស ឃុំដំដែក ស្រុកសូទ្រនិគម ខេត្តសៀមរាប ។
តាមការឲ្យដឹងពី ទេព ចាន់ណា អធិការនគរបាលស្រុកសូទ្រនិគម ខេត្តសៀមរាប បានឲ្យដឹងថា ក្នុងគ្រោះថ្នាក់ចរាចរណ៍នេះ បានបណ្ដាលឲ្យស្លាប់ អ្នកបើកបររថយន្តម៉ាកកាម៉េរីឆ្លាម ឈ្មោះ សឿង គា ភេទប្រុស អាយុ៤២ឆ្នាំ ជានាយនគរបាលប៉ុស្តិ៍ មានទីលំនៅភូមិពុកយុក សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ និងពុំមានអ្នករួមដំណើរឡើយ។ ដោយឡែក អ្នកបើកបររថយន្តក្រុងរិទ្ធមុនី បានរត់គេចខ្លួនបាត់។
តាមការបញ្ជាក់ ពីសាលាស្រុកសូទ្រនិគម ខេត្តសៀមរាប អ្នកដំណើរដែលនៅក្នុងរថយន្តក្រុងរិទ្ធមុនី
ពុំមានអ្នករងរបួសម្នាក់ឡើយ ប៉ុន្តែរថយន្តទាំងពីគ្រឿង សុទ្ធតែរងការខូចខាតធ្ងន់ធ្ងរដូចគ្នា។ រីឯសាកសពជនរងគ្រោះ ក្រុមគ្រួសារបានទទួលយកទៅធ្វើបុណ្យតាមប្រពៃណីរួចរាល់ហើយ។
ព័ត៌មានជាតិ ថ្មីៗ
អត្ថបទ និង រូបថត ៖ លោក ខេង ឧត្តម និង លោក ម៉ី សុខារិទ្ធ
កែសម្រួលអត្ថបទ ៖ លោក សេង ផល្លី
