ប្រទេសចិន កំពុងប្រារព្ធក្បួនព្យុហយាត្រាយោធា ដ៏ធំមួយនៅក្នុងទីក្រុងប៉េកាំង នៅថ្ងៃអង្គារនេះដែល ជាផ្នែកមួយនៃការប្រារព្ធពិធីរបស់ខ្លួន ដើម្បីប្រារព្ធខួបលើកទី៧០ នៃការបង្កើតសាធារណរដ្ឋ ប្រជាមានិតចិន។
យោងតាមអ្នកជំនាញការទូតបានឱ្យដឹងថា ប្រឆាំងនឹងភាពចលាចល ផ្នែកនយោបាយនៅទីក្រុងហុងកុង និងជម្លោះពាណិជ្ជកម្មដ៏ធំមួយ ជាមួយសហរដ្ឋអាមេរិក ភាពជាអ្នកដឹកនាំក្រោមការដឹកនាំ របស់លោកប្រធានាធិបតី ស៊ី ជីនពីង កំពុងប្រើប្រាស់ឱកាស ដើម្បីលើកកម្ពស់កិត្យានុភាពជាតិ។
ក្នុងចំណោមផ្នែករឹងយោធាថ្មី ដែលគ្រោងនឹងដាក់បង្ហាញ គឺដុងហ្វុង ៤១ ដែលជាមីស៊ីលផ្លោងអន្តរទ្វីប ដែលមានសមត្ថភាព នុយក្លេអ៊ែរត្រូវបានគេជឿថា អាចបាញ់បានស្ទើរតែគ្រប់ទីកន្លែង ក្នុងសហរដ្ឋអាមេរិក។
នៅមុនការដើរព្យុហយាត្រានេះលោកស៊ី គ្រោងនឹងថ្លែងសុន្ទរកថា ដែលក្នុងនោះលោកប្រាកដជា សង្កត់ធ្ងន់លើសមិទ្ធិផល ៧០ ឆ្នាំរបស់គណបក្សកុម្មុយនិស្ត ដូចជាការអភិវឌ្ឍសេដ្ឋកិច្ចរបស់ប្រទេសនេះ ឱ្យក្លាយជាប្រទេសធំលំដាប់ទី២ នៅលើពិភពលោក បន្ទាប់ពីសហរដ្ឋអាមេរិក។
លោកស៊ីក៏បានសន្យាផងដែរថា នឹងបង្កើនកិច្ចខិតខំប្រឹងប្រែងដើម្បី ផ្តល់ឱ្យកងកម្លាំងយោធារបស់ចិននូវ “ឋានៈពិភពលោក” នៅពាក់កណ្តាលសតវត្សរ៍ទី២១ ដែលប្រធានាធិបតីចិន គឺជាប្រមុខយោធារបស់ប្រទេស៕
ប្រភព៖ដើមអំពិល
ដោយ៖ ឈូក បូរ៉ា
