ប៉ូលិសបាននិយាយថា មនុស្សយ៉ាងហោចណាស់២នាក់បានស្លាប់ និង៣៤នាក់របួស នៅក្នុង កុប្បកម្មមួយដែលបានផ្ទុះឡើងនៅក្នុងពន្ធនាគារទីក្រុងម៉ានីល មួយដែលមានអ្នកទោសណែនណាន់តាន់តាប់ នៅក្នុងប្រទេសហ្វីលីពីនកាលពីថ្ងៃអាទិត្យនេះ ។
ការប្រយុទ្ធគ្នារវាងសមាជិកបនឧក្រិដ្ឋជនដែលគេឃុំឃាំងនៅក្នុងពន្ធនាគារ នោះ បានផ្ទុះឡើងនៅប្រហែលម៉ោង៦:៣០នាទី ព្រឹកនឹងមានរយៈពេលតែ១០នាទីប៉ុណ្ណោះ ។
អ្នកនាំពាក្យពន្ធនាគារទីក្រុងម៉ានិលអធិការជាន់ខ្ពស់ លោក Jayrex Buestinera បាននិយាយថា អ្នកទោស៣៤នាក់បានរងរបួសនៅក្នុងឧប្បត្តិហេតុនោះ ដែលបានបង្កឡើងដោយការជជែករកខុសត្រូវលើកន្លែងដេកមួយនៅក្នុងពន្ធនាគារ ដែលមានអត្រាណែនណាន់៣៧០ភាគរយ។
លោកបាននិយាយថា អ្នកទោស៩នាក់ដែលរងរបួសធ្ងន់ត្រូវបានគេយកទៅកាន់មន្ទីរពេទ្យមួយ សម្រាប់ធ្វើការព្យាបាលដោយឡែកអ្នកទោស២៥នាក់ទៀត ត្រូវបានព្យាបាលនៅឯគិលានដ្ឋានពន្ធនាគារ ទីក្រុងនេះ ដោយសារពួកគេរងរបួសបន្តិចបន្តួចប៉ុណ្ណោះ បន្តែអ្នកទោស២នាក់បានស្លាប់នៅពេលធ្វើការព្យាបាលនៅឯមន្ទីរពេទ្យ ក្នុងស្រុកមួយ ។ លោកបាននិយាយបន្ថែមថា គេបានចាក់សោរជាបណ្តោះអាសន្ននៅក្នុងពន្ធនាគារនោះ ក្នុងខណៈ ដែលមានឧប្បត្តិហេតុនេះ ៕
( ប្រភព ស៊ីនហួ បកប្រែដោយលោក ប៉ិន មឿន )
