ថ្ងៃទី ០១ ខែតុលា ឆ្នាំ២០១៩ លោក ចៅ ម៉ៅមុន្នី សមាជិកគណៈកម្មាធិការសាខាកាកបាទក្រហមកម្ពុជា ខេត្តសៀមរាប តំណាងឯកឧត្តម ទៀ សីហា ប្រធានគណៈកម្មាធិការសាខា បានអញ្ជើញចូលរួមរំលែកទុក្ខ និងនាំយកអំណោយមនុស្សធម៌ជូនដល់អ្នកស្រី គុន សាគាន អាយុ ៣៩ឆ្នាំ ត្រូវជាម្ដាយ ក្មេងស្រីដែលបានលង់ទឹកស្លាប់ រស់នៅភូមិសរសៃពង ឃុំតាអាន ស្រុកក្រឡាញ់ ខេត្តសៀមរាប កាលពីថ្ងៃទី៣០ ខែ កញ្ញា ឆ្នាំ ២០១៩ វេលាម៉ោង ១៤:៣០នាទី។
មានប្រសាសន៍នាឱកាសនោះ លោក ចៅ ម៉ៅមុន្នី បានពាំនាំសាររំលែកទុក្ខដ៏ក្រៀមក្រំ របស់ឯកឧត្តម ទៀ សីហា ដល់គ្រួសារសព។ ជាមួយនោះ លោកក៏បាន បង្ហាញពីទឹកចិត្តអាណិតអាសូរ ពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។
សូមជម្រាបថា អំណោយមនុស្សធម៌ចែកជូនក្នុងឱកាសនោះមាន៖ អង្ករ៣០គីឡូក្រាម -មុង១ -ភួយ១ -សារុង១ -ក្រមា១ -មី១កេស -ត្រីខ១យួរ -ទឹកសុទ្ធ ២កេស និងថវិកា ២សែនរៀល។ ជាមួយនេះលោក ចៅ ម៉ៅមុន្នី ក៏បានចូលរួមឧបត្ថម្ភថវិកាផ្ទាល់ខ្លួនចំនួន ៤សែនរៀល និងលោក ផែន ផៃរ៉េត សមាជិកគណៈកម្មាធិការអនុសាខាកាកបាទក្រហមកម្ពុជា ស្រុកក្រឡាញ់ ឧបត្ថម្ភថវិកាចំនួន ១សែនរៀលបន្ថែមផងដែរ។
អត្ថបទ និង រូបថត ៖ លោក អ៊ិន សីហរិទ្ធ
កែសម្រួលអត្ថបទ ៖ លោក សេង ផល្លី
