សម្តេច ហ៊ុន សែន នាយករដ្ឋមន្ត្រីកម្ពុជា បានប្រកាសជាសាធារណថា នៅថ្ងៃទី០៩ ខែវិច្ឆិកា ឆ្នាំ២០១៩ខាងមុខនេះ គឺជាថ្ងៃទទួលទានអំបុកខ្មែរនៅទូទាំងប្រទេស ដោយសម្តេចនាយករដ្ឋមន្ត្រីបានសង្កត់ធ្ងន់ថា អំបុកខ្មែរជាអំបុកការពារជាតិ សាសនា ព្រះមហាក្សត្រ ។
ការថ្លែងរបស់សម្តេចនាយករដ្ឋមន្ត្រីបែបនេះ ធ្វើឡើងក្នុងឱកាសដែលសម្តេចចូលរួមជាអធិបតីក្នុងពិធីចែកសញ្ញាប័ត្រ ដល់គរុសិស្សនិស្សិតនៃសាលាប៊ែលធីអន្តរជាតិ នៅសាលមហោស្រពកោះពេជ្រ រាជធានីភ្នំពេញ នៅថ្ងៃទី០២ ខែតុលា ឆ្នាំ២០១៩នេះ ។
ក្នុងការលើកឡើងនោះដែរ សម្តេច ហ៊ុន សែន ក៏បានអំពាវនាវសូមបងប្អូនជនរួមជាតិឲ្យចូលរួមទទួលទានអំបុកនៅថ្ងៃទី៩ ខែវិច្ឆិកា ខាងមុខ ហើយក៏ជាយុទ្ធនាការ ដើម្បីការពារជាតិ សាសនា ព្រះមហាក្សត្រ ហើយប្រឆាំងនឹងជន ក្បត់ជាតិដែលប៉ុនប៉ងផ្តួលរំលំរដ្ឋាភិបាលផ្តួលរំលំស្ថាប័នព្រះមហាក្សត្រ៕
ព័ត៌មានជាតិ ថ្មីៗ
អត្ថបទ៖ អ៊ុន ណារាជ្យ
