គិតចាប់ពីថ្ងៃទី១ ដល់ ទី៣០ ខែកញ្ញា ឆ្នាំ២០១៩ រយៈពេល៣០ថ្ងៃ នៅទូទាំងប្រទេសកម្ពុជា មានករណីគ្រោះថ្នាក់ចរាចរណ៍កើតឡើងចំនួន ៣៣៨លើក បណ្ដាលឲ្យស្លាប់មនុស្សចំនួន ១៧៧នាក់ ក្នុងនោះស្រី១៩នាក់ នេះបើតាមរបាយការរបស់អគ្គស្នងការដ្ឋាននគរបាលជាតិ ចុះនៅថ្ងៃទី៣០ ខែកញ្ញា ឆ្នាំ២០១៩។
តួលេខគ្រោះថ្នាក់ចរាចរណ៍ក្នុងខែកញ្ញា ឆ្នាំ២០១៩នេះ បើប្រៀបធៀប ទៅនឹងខែសីហា ឆ្នាំ២០១៩ មានការកើនឡើង២៩ករណី និងមានមនុស្សស្លាប់កើនឡើង១០នាក់។
ក្នុងនោះ រាជធានី-ខេត្ត ចំនួន៥ ដែលកើតមានគ្រោះថ្នាក់ចរាចរណ៍ និងអ្នករងគ្រោះច្រើនជាងគេរួមមាន៖
រាជធានីភ្នំពេញ ៩៩លើក ស្លាប់ ២៥នាក់ របួសសរុប ១៤២នាក់
ខេត្តកណ្ដាល ២០លើក ស្លាប់ ១៨នាក់ របួសសរុប ១៨នាក់
ខេត្តកំពង់ស្ពឺ ១៧លើក ស្លាប់ ១៤នាក់ របួសសរុប ២៦នាក់
ខេត្តព្រះសីហនុ ២១លើក ស្លាប់ ១១នាក់ របួសសរុប ២៣នាក់
ខេត្តកំពត ១៦លើក ស្លាប់ ១១នាក់ របួសសរុប ២៣នាក់
ប្រភព៖ អគ្គស្នងការនគរបាលជាតិ
កែសម្រួលអត្ថបទ៖ លោក សេង ផល្លី
