នៅព្រឹកថ្ងៃទី០១ ខែតុលា ឆ្នាំ២០១៩នេះ ក្រុមប្រតិបត្តិសាខាដឹកនាំដោយលោក ស៊ុ សំអន នាយកសាខាកាកបាទក្រហមកម្ពុជា ខេត្តសៀមរាប និងប្រធានស្ដីគណៈកម្មាធិការអនុសាខាកាកបាទក្រហមកម្ពុជា ស្រុកពួក លោក ស៊ិន ចាន់ថុល បាននាំយកអំណោយ ចូលរួមរំលែកមរណទុក្ខគ្រួសារ លោក ស៊ាម សេត អាយុ៣៧ឆ្នាំ រស់នៅភូមិតាហុក ឃុំត្រីញ័រ ស្រុកពួក ខេត្តសៀមរប ដែលបានបាត់បង់ប្រពន្ធឈ្មោះ លុយ កុក អាយុ៣៣ឆ្នាំ និងកូនប្រុសឈ្មោះ សេត ស៊ីន អាយុ៦ឆ្នាំ ដោយគ្រោះថ្នាក់លង់ទឹកស្រះស្លាប់។
លោក ស៊ុ សំអន បានពាំនាំនូវសារចូលរួមរំលែកមរណទុក្ខពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ដែលប្អូនប្រុសបានបាត់បង់ មនុស្សជាទីស្រឡាញ់ទាំងពីរនាក់ក្នុងពេលតែមួយ ។
លោក ស៊ុ សំអន បានលើកទឹកចិត្ត ដល់លោក ស៊ាម សេត កុំអស់សង្ឃឹមត្រូវតាំងស្មារតី និងខិតខំប្រកបការងារបន្តទៀត ដើម្បីចិញ្ចឹមកូនប្រុសច្បងឱ្យរស់នៅបានសមរម្យ និងសិក្សាបានជ្រៅជ្រះផងដែរ។ លោកក៏បានបួងសួងសូមឧទ្ទិសកុសលជូនដល់ដួងវិញ្ញាណក្ខ័ន្ត ប្អូនស្រី និងក្មួយប្រុស ពីរនាក់ម្ដាយកូន សូមបានទៅកាន់សុខតិភពកំបីឃ្លៀងឃ្លាតឡើយ។
អំណោយ ដែលបានចូលរួមក្នុងពិធីបុណ្យសពនេះរួមមាន៖ ឃីត២កញ្ចប់ អាវយឺត៤ មី២កេស ត្រីខ២យួរ ទឹកបរិសុទ្ធ៤កេស អង្ករ៦០គក្រ ថវិកា៥០ម៉ឺនរៀល។ ជាមួយគ្នានោះ អនុសាខាកាកបាទក្រហមកម្ពុជា ស្រុកពួកចូលរួម៖ ថវិកា២០ម៉ឺនរៀល ក្រុមប្រឹក្សាឃុំត្រីញ័រ ថវិកា២០ម៉ឺនរៀលផងដែរ ។
អត្ថបទ និង រូបថត ៖ លោក អ៊ិន សីហរិទ្ធ
កែសម្រួលអត្ថបទ ៖ លោក សេង ផល្លី
