វេលាម៉ោង៩ជាង នៅព្រឹកថ្ងៃទី១៦ ខែតុលា ឆ្នាំ២០១៩នេះ មានករណីអគ្គីភ័យមួយកើតឡើង នៅក្នុងហាងលក់ផលិតផលកែសម្ភស្សមួយកន្លែងកំពុងធ្វើការជួសជុល ក្បែរសាលារៀនវត្តរាជបូព៌ ស្ថិតនៅចំណុច ភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។
តាមការឲ្យដឹងពីប្រជាពលរដ្ឋនៅកន្លែងកើតហេតុ បានឲ្យដឹងថា ដោយមានការជួយពីបុគ្គលិកសណ្ឋាគារ នៅក្បែរហាងនោះ បានយកបំពង់ពន្លត់អគ្គីភ័យមកជួយសម្រាលស្ថានភាពទាន់ពេលវេលា ដើម្បីរង់ចាំរថយន្តពន្លត់អគ្គីភ័យមកដល់ ទើបភ្លើងមិនអាចរាលដាលធ្ងន់ធ្ងរ។
សមត្ថកិច្ច នៅហ្នឹងកន្លែងកើតហេតុបានឲ្យដឹងថា មូលហេតុបណ្តាលឲ្យឆាបឆេះ នេះដោយសារជាងផ្សារដែកធ្វើពិដាន ។
ព័ត៌មានជាតិ ថ្មីៗ
ករណីអគ្គីភ័យនេះ សមត្ថកិច្ចបានប្រើប្រាស់រថយន្តពន្លត់អគ្គីភ័យចំនួន ៣គ្រឿង និងបានប្រើទឹកអស់ ២រថយន្តទើបពន្លត់បានទាំងស្រុង ៕
អត្ថបទ និង រូបថត ៖ លោក ខេង ឧត្តម
កែសម្រួលអត្ថបទ ៖ លោក សេង ផល្លី
