កាលពីវេលាម៉ោងប្រមាណ៣រសៀល ថ្ងៃទី១៨ ខែតុលា ឆ្នាំ២០១៨នេះ មានករណីខ្យល់កន្ទ្រាក់មួយកើតឡើងនៅចំណុចត្រាំកង់ ស្តិតនៅក្នុងភូមិដៃអាវ ឃុំស្រែណូយ ស្រុកវ៉ារិន ខេត្តសៀមរាប បណ្ដាលអោយខូចខាតលំនៅដ្ឋានរបស់ប្រជាពលរដ្ឋចំនួន០៥ខ្នង ក្នុងនោះ ខូចទាំងស្រុង០២ខ្នង និងប៉ើងដំបូលចំនួន០២ខ្នង ប៉ុន្តែពុំបណ្តាលឲ្យគ្រេាះថ្នាក់ដល់ជីវិតមនុស្សឡេីយ ។
លំនៅដ្ឋានដែលរងគ្រោះ រួមមាន :
1.ផ្ទះទំហំ៤ម៉ែត្រគុណនឹង៥ម៉ែត្រ ធ្វើអំពីឈើប្រក់ស័ង្កសី រងគ្រោះដោយប៉ើងដំបូល ជារបស់ឈ្មោះ សួន សុផាត ភេទប្រុស និងប្រពន្ធឈ្មោះ ធូ សារី មុខរបរកសិករ ។
2. ផ្ទះទំហំ៤ម៉ែត្រគុណនឹង៧ម៉ែត្រ ធ្វើអំពីឈើប្រក់ស័ង្កសី រងគ្រោះដោយប៉ើងដំបូល ជារបស់ឈ្មោះ ទួច ថៃ ភេទប្រុសអាយុ៣១ឆ្នាំ និងប្រពន្ធឈ្មោះ ធី សុភេទ អាយុ៣០ឆ្នាំ មុខរបរកសិករ ។
3.ផ្ទះទំហំ៦ម៉ែត្រគុណនឹង៩ម៉ែត្រ ធ្វើអំពីឈើ ប្រក់ក្បឿង រងគ្រោះដោយប៉ើងដំបូល ជារបស់ឈ្មោះ សុខ ធារីអាយុ៤០ឆ្នាំ និងប្រពន្ធឈ្មោះ ហ៊ាង ហារី អាយុ៣៥ឆ្នាំ មុខរបរកសិករ ។
4.ផ្ទះទំហំ៣ម៉ែត្រគុណនឹង៥ម៉ែត្រ ធ្វើអំពីឈើប្រក់ស័ង្កសី រងគ្រោះដោយខូចខាតទាំងស្រុង ជារបស់ឈ្មោះ ថូ សៀមអាយុ៥០ឆ្នាំ និងប្រពន្ធឈ្មោះ តៃ រិច អាយុ៥១ឆ្នាំ មុខរបរកសិករ ។
5. ផ្ទះទំហំ៣ម៉ែត្រគុណនឹង៤ម៉ែត្រ ធ្វើអំពីឈើប្រក់ស័ង្កសី រងគ្រោះដោយខូចខាតទាំងស្រុង ជារបស់ឈ្មោះ ព្រេច៍ ពុចអាយុ២៣ឆ្នាំ និងប្រពន្ធឈ្មោះ ចេង ស្រីនាង អាយុ២០ឆ្នាំ មុខរបរកសិករ ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
#មន្ទីរព័ត៌មានខេត្តសៀមរាប
#គ្រោះធម្មជាតិ
