កាលពីរសៀលថ្ងៃទី១៨ ខែតុលា ឆ្នាំ២០១៨នេះ លោក ឡៅ សុខលាភ នាយករដ្ឋបាលស្រុក ជាតំណាងលោក ពៅ ប៊ុនធឿន អភិបាលស្រុកនិងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកជីក្រែង រួមនឹងសហការីបានចុះសួរសុខទុក្ខ និងនាំយកអំណោយសង្គ្រោះបន្ទាន់របស់អនុសាខាកាកបាទក្រហមកម្ពុជាស្រុកជីក្រែង។
រួមមានអង្ករចំនួន២៥គីឡូក្រាម , តង់ចំនួន១, មីម៉ាម៉ា ១កេស ,ទឹកស៊ីអ៊ីវ ១យួរ , ទឹកសុទ្ធ ២យួរ និង ថវិកា ៥ម៉ឺនរៀល ចែកជូនគ្រួសាររលំផ្ទះ ឈ្មោះ ហេង រើន អាយុ ៤១ឆ្នាំ ត្រូវជាប្ដី និង ប្រពន្ធឈ្មោះ ស៊ាត ហ៊រ អាយុ ៤០ឆ្នាំ រស់នៅភូមិសំរោងធំ ឃុំអន្លង់សំណរ ស្រុកជីក្រែង ដើម្បីជួយសម្រាលទុក្ខលំបាកខ្លះៗក្នុងជីវភាពរស់នៅប្រចាំថ្ងៃ ។
សូមបញ្ជាក់ថា ករណីរលំផ្ទះនេះ បានកើតឡើងកាលពីថ្ងៃទី២២ ខែកញ្ញា ឆ្នាំ២០១៨ វេលាម៉ោង៨ និង៤០នាទីយប់ ដោយគ្រោះមហន្តរាយខ្យល់កន្ត្រាក់ ៕
អត្ថបទ និង រូបថត ៖ រដ្ឋបាលស្រុកជីក្រែង
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#គ្រោះធម្មជាតិ
#កាកបាទក្រហម
