តាមការឲ្យដឹងពីនគរបាលនៃអធិការក្រុងសៀមរាបកាលពីវេលាម៉ោង២២និង៣០នាទី ថ្ងៃទី១៧ ខែកញ្ញា ឆ្នាំ២០១៩ នគរបាលក្រុងសៀមរាបបានធ្វើការឃាត់ខ្លួនជនសង្ស័យពាក់ព័ន្ធករណីលួចទូរស័ព្ទដៃ ស្ថិតនៅក្នុងភូមិខ្នារ សង្កាត់ជ្រាវ ក្រុង.ខេត្តសៀមរាប ។
ជនសង្ស័យមានឈ្មោះ ងិ ប៊ឹប ភេទប្រុស អាយុ២២ឆ្នាំ ស្នាក់នៅភូមិចុងកៅស៊ូ សង្កាត់ស្លក្រាម ក្រុង.ខេត្តសៀមរាប
ដោយនៅថ្ងៃកើតហេតុជនសង្ស័យ ខាងលើបានលួចទូរស័ព្ទដៃចំនួន០២គ្រឿងម៉ាកស៊ាំស៊ុងចំនួន០១គ្រឿង និងម៉ាកហ៊ូវៃ ចំនួន០១គ្រឿងរបស់ជនរងគ្រោះឈ្មោះរស់ វិសុទ្ធ ផោនភេទប្រុស អាយុ៥០ឆ្នាំរស់នៅភូមិកើតហេតុ ខណៈដែរជនរងគ្រោះបានទុកទូរស័ព្ទដៃលើគ្រែក្បែរបង្អួច ហើយជនសង្ស័យលូកដៃលួចយកយកទូស័ព្ទបានហើយគេចខ្លួន ។
នគរបាលបន្តថា បន្ទាប់ពីបាត់ទូរស័ព្ទ ជនរងគ្រោះខាងលើក៏បានទិញ កាមេរ៉ាសុវត្ថិភាពបំពាក់នៅនឹងផ្ទះ
លុះនៅថ្ងៃទី១៥ ខែតុលា ឆ្នាំ២០១៩ វេលាម៉ោង ២១.៥០នាទី ជនសង្ស័យខាងលើបានលួចចូលក្នុងផ្ទះរបស់ជនរគ្រោះ ជាលើកទី២ម្តងទៀត ហើយត្រូវជនរងគ្រោះមើលឃើញតាមរយៈកាមេរ៉ាសុវត្ថិភាព រួចស្រែកឆោឡោ ធ្វើអោយជនសង្ស័យគេចខ្លួនបាត់ ។ បន្ទាប់មកនៅថ្ងៃទី១៦ ខែតុលា ឆ្នាំ២០១៩ ជនរងគ្រោះបានមកដាក់ពាក្យបណ្តឹងតែម្ដង ។
ព័ត៌មានជាតិ ថ្មីៗ
ក្រោយពីទទួលពាក្យបណ្តឹង នគរបាលក៏បានពិនិត្យមើលពីភិនភាគជនសង្ស័យ ហើយក៏គំណត់មុខសញ្ញាបាន ហើយនៅថ្ងៃទី១៧ ខែតុលា ឆ្នាំ២០១៩ នឹងបាននាំជនសង្ស័យខាងលើមកសួរនាំ ក្រោយពីសួរនាំ ជនសង្ស័យខាងលើបានសារភាពថា ខ្លួនពិតជាបានលួចទូរស័ព្ទដៃ និងថែមទាំងលួចចូលផ្ទះរបស់ជនរងគ្រោះជាលើកទី ២ពិតមែន ។ បច្ចុប្បន្នជនសង្ស័យខាងលើ នគរបាលកំពុងរៀបចំសំណុំរឿងបញ្ជូនទៅកាន់តុលាការ ដើម្បីចាត់ការទៅតាមផ្លូវច្បាប់ ៕
អត្ថបទ និង រូបភាព៖ បូ សាវី
កែសម្រួល ៖អ៊ុន ណារាជ្យ
