កាលពីរសៀលថ្ងៃទី១៩ ខែតុលា ឆ្នាំ២០១៩ វេទិកានិយាយសាធារណៈ នៅក្នុងផ្សារទំនើបហហេរីថេកវក ក្នុងក្រុងសៀមរាប រៀបចំដោយ អ៊ីកណាយ ខេមបូឌៀ (Ignite Cambodia) បានផ្ដល់ឱកាសដល់ប្រជាពលរដ្ឋក្នុងខេត្តសៀមរាប ជាពិសេសយុវវ័យ បានបង្ហាញពីចំណេះដឹង និងទស្សនផ្ទាល់ខ្លួន ដើម្បីពង្រឹងសមត្ថភាព និង ទំនុកចិត្តដល់យុវជនកម្ពុជា។
លោក សុខហ៊ី ដែលជាសហស្ថាបនិកនៃ Ignite Cambodia បានលើកឡើងថា ការនិយាយសាធារណៈ និង ផ្តល់ឱកាសអោយយុវជន និងកូនខ្មែរទាំងអស់អាចឡើងចែករំលែកពីគំនិតល្អៗ ទៅសាធារណៈជនទាំងឡាយដែលមិនបានដឹងពីបញ្ហាអ្វីមួយ ហើយអោយយកទៅធ្វើជាបទពិសោធន៍របស់ពួកគាត់។ ប្រធានបទ នៃការនិយាយាជាសាធារណនេះ ពាក់ព័ន្ធទៅនឹងវិស័យអប់រំ ការលើកទឺកចិត្ដ ការចែករំលែកអំពីភាពជោគជ័យ ក្ដីស្រមៃ និងគោលដៅរបស់ខ្លួន។
ទន្ទឹមនោះ ក្រុមយុវជន ដែលបានចូលរួមបានលើកឡើងថា កម្មវិធីនេះគឺបានជំរុញ និងលើកទឹកចិត្ដ ឲ្យពួកមានការតស៊ូ សម្រេចគោលដៅ ដែលពួកគាត់ប្រាថ្នាចង់បាន។
ព័ត៌មានជាតិ ថ្មីៗ
សូមជម្រាបថា នៅក្នុងវេទិកានិយាយសាធារណៈនេះ ក៏មានវាគ្មិនចំនួន៨រូបចូលរួមផងដែរ ដែលមកពី មកពីគ្រប់ស្ថាប័ន ធនាគារ និស្សិតសាកលវិទ្យាល័យ បុគ្គលិកជាន់ខ្ពស់ខាងផ្នែកវប្បធម៌ សហគ្រិនជាដើម ដើម្បីធ្វើបទបង្ហាញដល់អ្នកចូលរួមប្រមាណ៤០០នាក់។ ហើយនេះជាព្រឹត្តិការណ៍និយាយសាធារណៈលើកដំបូងនៅក្នុងខេត្តសៀមរាប ដែលរៀបចំដោយ អ៊ីកណាយ ខេមបូឌៀ (Ignite Cambodia) ។
អត្ថបទ និង រូបថត ៖ លោក បូ សាវី
កែសម្រួលអត្ថបទ ៖ លោក សេង ផល្លី
