កាលពីយប់ថ្ងៃទី ២៣ ខែតុលា ឆ្នាំ២០១៩នេះ ក្រុមអ្នកចំរៀងកម្ពុជា ដែលមានឈ្មោះថា ប្រាឌ័រ ដឹកនាំដោយ លោក សាន ផានិត បានយកបទចំរៀងពីរបទទាក់ទង និងវប្បធម៌ អរិយៈធម៌ និងប្រាង្គប្រាសាទបុរាណនៃប្រទេសកម្ពុជា ទៅបង្ហាញដល់អន្ដរជាតិក្នុងពិធីបុណ្យមួយនៅប្រទេសកូរ៉េ ដើម្បីបង្ហាញពីអរិយធម៌វប្បធម៌ និងអច្ឆរិយៈរបស់ប្រទេសកម្ពុជា ដល់ឆាកអន្ដរជាតិ។
បើតាម លោក សាន ផានិត បានឲ្យដឹងតាមរយៈការផ្ដល់បទសម្ភាសន៍ជាមួយអ្នកសារព័ត៌មាន នៅព្រលានយន្ដហោះអន្ដរជាតិខេត្ដសៀមរាប បានបញ្ជាក់ថា បទចំរៀងទាំង២បទ ដែលក្រុមលោកបានយកទៅបកស្រាយនេះគឺ ទី១មានចំណងជើង ថា កម្ពុជាដែនដីសុវណ្ណភូមិ និងបទទី២ មានចំណងជើងថា មាតុភូមិខ្ញុំ ។ ហើយចំពោះបទចម្រៀងទាំងពីរនេះមានអត្ដន័យ និងខ្លឹមសារបង្ហាញពីសក្ដានុពលទេសចរណ៍ប្រទេសកម្ពុជា ដែលសំបូរទៅដោយសម្បត្ដិធម្មជាតិប្រាងប្រាសាទបុរាណ និងវប្បធម៌ អរិយធម៌ដ៍ផូផង់របស់កម្ពុជានាពេលបច្ចុប្បន្ននេះ ។
លោក សាន ផានិត បន្តថា ចំពោះបទចម្រៀងទាំងពីរបទនេះដែរ គឺជាការនិពន្ធដោយ លោក ឯល ប៊ុណ្ណា ដែលបទនេះគឺជាបទបកស្រាយរួមគ្នា ដោយលោក សាន ផានិត និង ណាំ ប៊ុណ្ណារ័ត្ន លោក វីឆវ័ន្ដ លោក លី យាំង នៅក្នុងពិធីបុណ្យអារីរ៉ាំងនៃប្រទេសកូរ៉េ ក្នុងទីក្រុងប៊ូសាន ដែលមានបណ្ដាប្រទេសជាង១០ប្រទេសចូលនៅក្នុងកម្មវិធីនោះ ។ ជាមួយគ្នានោះចំរៀងពីរ២បទនេះដែរ គឺកម្ពុជាក៍ចង់បង្ហាញពីឧបករណ៍ភ្លេងបុរាណខ្មែរដល់អន្ដរជាតិ អោយបានស្គាល់ផងដែរ ដើម្បីលើកស្ទួយពីអរិយធម៌ និងកេរិ៍ដំណែលរបស់ជាតិខ្មែរ ដល់ឆាកអន្ដរជាតិព្រោះឧបករណ៍ប្រគុំចំរៀងជាវប្បធម៌ខ្មែរបានបន្សល់ទុកពីដូនតា។
ក្នុងនោះដែរ លោក សាន ផានិត ក៏បានអំពាវដល់ពលរដ្ឋខ្មែរក្នុង និងក្រៅប្រទេសអោយចូលរួមលើកទឹកចិត្ដដល់អ្នកចំរៀងខ្មែរដែលយកបទចំរៀងដែលមានអត្ដន័យ ពីទឹកដីសុវណ្ណភូមិរបស់កម្ពុជាយើង ទៅប្រគួតប្រជែងអោយអន្ដរជាតិស្គាល់ពីទឹកដីអច្ឆរិយៈរបស់ខ្មែរតាំងពីអតីតកាល។
លោកក៏បានបន្ថែមដែរថា ការយកបទចំរៀង មាតុភូមិខ្ញុំ និងដែនដីសុវណ្ណភូមិ ទៅបង្ហាញ់លើឆាកអន្ដរជាតិក្នុងឱកាសនេះដែរ គឺដើម្បីចូលរួមក្នុងកម្មវិធីបុណ្យអារីរ៉ាំ ប្រទេសកូរ៉េនៅក្នុងរដ្ឋប៊ូសាន នៅពេលចាប់ផ្ដើមបើកឆាកដំបូងក្នុងកម្មវិធី និងក្រៅពីនោះក៍មានបទចំរៀងល្បីៗជាច្រើនទៀតបង្ហាញដល់អន្ដរជាតិ និងពលករដែលកំពុងរស់នៅប្រទេសកូរ៉េផងដែរ ។
ក្នុងនោះដែរ លោក លី យាំង ដែលជាក្រុមអ្នកធ្វើបទភ្លេងក្នុងបទចម្រៀងនោះដែរ បានឲ្យដឹងថា ការយកបទចំរៀង ទាក់ទងទៅនឹងសក្ដានុពលទឹកដីសុវណ្ណភូមិកម្ពុជានេះ មានការអញ្ជើញពីមន្ទីរវប្បធម៌របស់ប្រទេសកូរ៉េ និងសមាគមខ្មែរនៅប្រទេសកូរ៉េ ដោយចូលរួមក្នុងវេទិការនោះមានរយៈពេល២ថ្ងៃ។
លោកបានបន្ដថា ការអញ្ជើញអ្នកចំរៀងខ្មែរអោយច្រៀងនៅពេលបើកឆាកក្នុងពិធីបុណ្យអារីរ៉ាំងនេះ ដោយសារប្រទេសកូរ៉េមើលឃើញពី សមត្ថភាពកូនខ្មែរបានផលិតបទចំរៀងរបស់ខ្មែរបង្កប់ខ្លឹមសារ និងអត្ដន័យទាក់ទងទៅនឹងវប្បធម៌ជាតិខ្មែរតាំងពីបុរាណកាលមកបានល្អប្រសើរ ក៍ដូចជាចង់បង្ហាញពីទំនាក់ទំនងរវាងប្រទេសទាំងពីរ កម្ពុជាកូរ៉េបានកាន់តែរឹងមាំផងដែរ ។
អត្ថបទ និង រូបភាព ៖ បូ សាវី
កែសម្រួល៖ អ៊ុន ណារាជ្យ
