កាលពីវេលាម៉ោងប្រមាណ ១០ និង០៦នាទីយប់ ថ្ងៃទី២៤ ខែតុលា ឆ្នាំ២០១៩ នេះ សមត្ថកិច្ចចម្រុះនៃព្រលានយន្តហោះខេត្តសៀមរាប បានឆែកឆេររកឃើញ គ្រឿងញៀនប្រភេទមេតំហ្វេតាមីន ប្រមាណ២៧.៣០គីឡូក្រាម នៅក្នុងការបូបអ្នកដំណើរ ជនជាតិថៃចំនួន០២នាក់ ខណ:ដែលពួកគេ ត្រៀមចេញដំណើរ ទៅទីក្រុងម៉ានីល ប្រទេសហ្វីលីពីន តាមច្រក អាកាសយានដ្ឋានអន្តរជាតិសៀមរាប។
ជនសង្ស័យជាជនជាំតិថៃទាំង០២នាក់រួមមាន ទី១ ឈ្មោះ SAVAEPHOL SUPHARPOON ភេទស្រី សញ្ជាតិថៃ មានអាយុ ៣៧ឆ្នាំ និងទី២ ឈ្នោះ PRACHAMON WIPA ភេទស្រី សញ្ជាតិថៃ មានអាយុ ៣០ឆ្នាំ ដោយជនសង្ស័យទាំង ០២នាក់នេះ មានគោលដៅធ្វើដំណើរទៅកាន់ទីក្រុងម៉ានីលប្រទេសហ្វីលីពិន ។
ក្នុងប្រតិបត្តការណ៍នោះដែរ សមត្ថកិច្ចបានដកហូតបាន ថ្នាំញៀនប្រភេទមេតំហ្វេតាមីន ប្រមាណ២៧.៣០គីឡូក្រាម និងបានបញ្ចូនខ្លួនជនជាតិថៃទាំង០២នាក់ និង គ្រឿងញៀន ទៅកាន់តុលាការ ដើម្បីកសាងសំណុំរឿងចាត់ការទៅតាមនិតិវិធីច្បាប់ ៕
រូបភាព ៖ បូ សាវី
កែសម្រួល៖ អ៊ុន ណារាជ្យ
