នៅថ្ងៃទី៣០ ខែតុលា ឆ្នាំ២០១៩ កម្លាំងចម្រុះស្រុកចំនួន៣ នៃខេត្តសៀមរាប បានធ្វើការបង្ក្រាប ឧបករណ៍នេសាទខុសច្បាប់ ក្នុងភូមិសាស្ត្រឃុំកែវពណ៌ ស្រុកពួក ខេត្តសៀមរាប ដោយកាប់បំផ្លាញចោលនៅនឹងកន្លែងមាន ឧបករណ៍ ប ចំនួន ០២គ្រឿង, របាំងសាច់អួន ប្រវែង ២៥០ ម៉ែត្រ , ក្បាលលូស្បៃមុង ៤៥គ្រឿង របាំងស្បៃមុង ប្រវែង ២ពាន់២៥០ម៉ែត្រ និងចម្រឹង ចំនួន ១ពាន់៤៥០ដើម ព្រមទាំងព្រលែងកូនត្រីចម្រុះចំនួន ៥០គីឡូក្រាមចូលបឹងធម្មជាតិវិញផងដែរ។
ប្រតិបត្តិការនេះ ដឹកនាំដោយ ស៊ីន ចាន់ថុល ប្រធានគណៈបញ្ជាការឯកភាពរដ្ឋបាលស្រុកពួក និង លោក សំ ផាន់ណា នាយរងខណ្ឌរដ្ឋបាលជលផលស្រុកក្រឡាញ់ ដោយបានសហការជាមួយសង្កាត់រដ្ឋបាលជលផលស្រីស្នំ សមាគមន៍នេសាទកែវពណ៍ សសរស្ដម្ភ ឃុំ ល្វា ឃុំទ្រាយ និង កម្លាំងប៉ុស្តិ៍នគរបាលរដ្ឋបាលកែវពណ៍ ដោយប្រើប្រាស់កម្លាំងសរុបចំនួន២៩នាក់ និង មធ្យោបាយកាណូតចំនួន០៥គ្រឿង ។
លោក ស៊ីន ចាន់ថុល បានសង្កេតឃើញថា តាមរយៈការចុះត្រួតពិនិត្យនេះ ឃើញថាប្រជានេសាទភាគច្រើនបានងាកមកប្រើឧបករណ៍នេសាទស្របច្បាប់វិញ មាន(លបព្រៀង)។ ទោះជាយ៉ាងណាក៏ដោយ អាជ្ញាធរ និង កម្លាំងជំនាញនៅតែបន្តធ្វើការ ផ្សព្វផ្សាយច្បា ប់និងលិខិតបទដ្ឋានផ្សេងៗ ជាប្រចាំ ព្រមទាំងចុះអនុវត្តក្នុងការបង្ក្រាបធ្វើជាប្រចាំផងនោះ ។
អត្ថបទ និង រូបថត ៖ លោក ម៉ី សុខារិទ្ធ
កែសម្រួលអត្ថបទ ៖ លោក សេង ផល្លី
