មនុស្សចំនួន០៣នាក់ រួមមាន ៖
០១. ឈ្មោះ ចាន់ វាសនា ភេទប្រុស ឆ្នាំកំណើត ១៩៨១ មុខរបរគ្មាន មានទីលំនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ពាក់ព័ន្ធនឹងករណីរក្សាទុកនិងជួញដូរ ហើយមានសារធាតុញៀនក្នុងខ្លួន ។
០២. ឈ្មោះ ឈឹម មករា ភេទប្រុស ឆ្នាំកំណើត១៩៩២ មុខរបរគ្មាន មានទីលំនៅភូមិទក្សិណត្បូង សង្កាត់គោកចក ក្រុងសៀមរាប ពាក់ព័ន្ធនឹងករណីសមគំនិតជួញដូរ ហើយមានសារធាតុញៀនក្នុងខ្លួន។
០៣. ឈ្មោះ ឈឹម រតនា ភេទប្រុស ឆ្នាំកំណើត១៩៩០ មុខរបរគ្មាន មានទីលំនៅភូមិទក្សិណត្បូង ពាក់ព័ន្ធនឹងករណីសមគំនិតជួញដូរ ហើយមានសារធាតុញៀនក្នុងខ្លួន។
រួមទាំងវត្ថុតាងមានម្សៅមេតំហ្វេតាមីន ប្រភេទទឹកកក ចំនួន១៤កញ្ចប់ ស្មើនឹងទម្ងន់៣,៤ក្រាម , ទូរស័ព្ទដៃចំនួន០៤ គ្រឿង , ឧបករណ៍ប្រើប្រាស់គ្រឿងញៀននិងសម្ភារវេចខ្ចប់គ្រឿងញៀនមួយចំនួន ត្រូវបានសមត្ថកិច្ចខេត្តសៀមរាប បញ្ចូនទៅសាលាដំបូងខេត្ត នារសៀលថ្ងៃទី២៣ ខែតុលា ឆ្នាំ២០១៨ បន្ទាប់ពីកម្លាំងការិយាល័យប្រឆាំងគ្រឿងញៀន បានចុះបង្ក្រាបបទរក្សាទុកនិងជួញដូរដោយខុសច្បាប់នូវសារធាតុញៀន នៅចំនុចលំនៅដ្ឋានភូមិសាលាកន្សែង សង្កាត់ស្វាយដង្គំ ក្រុងសៀមរាប នាវេលាម៉ោង០៨ ព្រឹក ថ្ងៃទី ២២ ខែតុលា ឆ្នាំ២០១៨ នេះ ៕
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#គ្រឿងញៀន
