កាលពីរសៀលថ្ងៃទី០៥ ខែវិច្ឆិកា ឆ្នាំ២០១៩ម្សិលមិញនេះ ព្រះតេជគុណព្រះចៅអធិការវត្តលុម្ភិនីល្បើកចន្លោង (ហៅវត្តចន្លោង) ស្ថិតក្នុងសង្កាត់ស្រង៉ែ ក្នុងសៀមរាប បាននាំទេយ្យទានរួមមាន៖ អង្ករ៥០គីឡូក្រាម -ទឹកសុទ្ធ២កេស -មី១កេស -ត្រីខ១យួរ -ខ្ទះ៩- ស្រាក់១១ -ទឹកដោះគោខាប់១៦កំប៉ុង -ស្ករស ៦.៥គីឡូក្រាម -ទឹកត្រី១១ដប – ថវិកា២សែនរៀល និងសម្ភារមួយចំនួនទៀត មកប្រគល់ជូនសាខាកាបាទក្រហមកម្ពុជាខេត្តសៀមរាប នៅទីស្នាក់ការរបស់សាខា ។
មានប្រសាសន៍នាឱកាសនោះលោក ស៊ុ សំអន នាយកប្រតិបត្តិនៃសាខាកាកបាទក្រហមកម្ពុជាខេត្តសៀមរាប បានថ្លែងអំណរព្រះគុណយ៉ាងជ្រាលជ្រៅចំពោះទឹកព្រះទ័យដ៏សប្បុរសធម៌ របស់ព្រះចៅអធិការវត្តលុម្ភិនីល្បើកចន្លោង ក្នុងការយកព្រះទ័យទុកដាក់ចូលរួមចំណែកម្មភាពមនុស្សធម៌ និងបានប្រគល់នូវទេយ្យទានជាគ្រឿងឧបភោគ បរិភោគនាពេលនេះ គឺសបញ្ជាក់ពីទឹកព្រះទ័យសប្បុរសធម៌ចំពោះបងប្អូនប្រជាពលរដ្ឋ រងគ្រោះ និងងាយរងគ្រោះ។
លោក ស៊ុ សំអន មានប្រសាសន៍បន្ថែមថា ក្នុងព្រះកាយវិកាដ៏មនុស្សធម៌នេះ គឺជាការចូលរួមរបស់ព្រះពុទ្ធសាសនា ជាមួយសកម្មភាពមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ហើយទេយ្យទានទាំងនេះ សាខាកាកបាទក្រហមកម្ពុជាខេត្តសៀមរាប នឹងយកទៅប្រើប្រាស់ឱ្យចំគោលដៅមនុស្សធម៌ ដោយមិនប្រកាន់ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការរបស់ចលនាអន្តរជាតិកាកបាទក្រហម អឌ្ឍចន្ទក្រហម ៕
អត្ថបទ និង រូបថត ៖ លោក អ៊ិន សីហរិទ្ធ
កែសម្រួលអត្ថបទ ៖ លោក លីវ សាន្ត
