សៀមរាប៖ នៅវេលាម៉ោង០៩ និង០០នាទីថ្ងៃទី២៤ ខែវិច្ឆិកា ឆ្នាំ២០១៩នេះ កំលាំងការិយាល័យប្រឆាំងគ្រឿងញៀនខេត្តសៀមរាប បានចុះបង្ក្រាបបទជួញដូរចាត់ចែង និងប្រើប្រាស់ដោយខុសច្បាប់នូវសារធាតុញៀន នៅចំនុចលំនៅដ្ឋានមួយកន្លែងស្ថិតនៅភូមិមណ្ឌល៣ សង្កាត់ស្លក្រាម ក្រុងខេត្តសៀមរាបនឹងបានធ្វើការឃាត់ខ្លួនជនសង្ស័យប្រុសស្រីចំនួន០៧នាក់ផងដែរ ។
ជនសង្ស័យទាំង ០៧នាក់រួមមាន ៖
ទី១-ឈ្មោះ គង់ បញ្ញា ភេទប្រុស ឆ្នាំកំណើត១៩៨៥មុខរបរគ្មាន មានទីលំនៅ ភូមិមណ្ឌល៣ សង្កាត់ស្លក្រាម ក្រុង ខេត្តសៀមរាប ជាប់ពាក់ព័ន្ធករណីជួញដូរ ចាត់ចែង និងប្រើប្រាស់ មានសារធាតុញៀនក្នុងខ្លួន , ទី២-ឈ្មោះ ឆាវ ប៊ុនធឿនហៅតឿភេទប្រុស ឆ្នាំកំណើត១៩៩១ មុខរបរគ្មាន មាន ទីលំនៅ ភូមិមណ្ឌល៣ សង្កាត់ស្លក្រាម ក្រុង ខេត្តសៀមរាប ជាប់ពាក់ព័ន្ធករណីចាត់ចែង និងប្រើប្រាស់ មានសារធាតុញៀនក្នុងខ្លួន,
ទី៣-ឈ្មោះ អៀម អរហៅវែង ភេទប្រុស ឆ្នាំ កំណើត១៩៧៧ មុខរបរគ្មាន មាន ទីលំនៅ ភូមិមណ្ឌល៣ សង្កាត់ស្លក្រាម ក្រុង ខេត្តសៀមរាប ជាប់ពាក់ព័ន្ធករណី ចាត់ចែងនិងប្រើប្រាស់ មានសារធាតុញៀនក្នុងខ្លួន,
ទី៤-ឈ្មោះ កែវ អែក ភេទប្រុស ឆ្នាំកំណើត១៩៩៦ មុខរបរគ្មាន មាន ទីលំនៅ ភូមិដកពោធិ៍ សង្កាត់ស្ល ក្រាម ក្រុង ខេត្តសៀមរាប ជាប់ពាក់ព័ន្ធករណី ចាត់ចែង និងប្រើប្រាស់ មានសារធាតុញៀនក្នុងខ្លួន ,
ទី៥ឈ្មោះ យិន សំណាង ភេទស្រី ឆ្នាំកំណើត១៩៩៧ មុខរបរគ្មាន មានទីលំនៅភូមិមណ្ឌល៣ សង្កាត់ស្លក្រាម ក្រុងខេត្តសៀមរាប ជាប់ពាក់ព័ន្ធករណី ចាត់ចែង និងប្រើប្រាស់ មានសារធាតុ ញៀនក្នុងខ្លួន ,
ទី៦-ឈ្មោះ យិន សាវ៉ុង ភេទស្រី ឆ្នាំកំណើត១៩៦១ មុខរបរគ្មាន មានទីលំនៅភូមិមណ្ឌល៣ សង្កាត់ស្លក្រាម ក្រុង ខេត្តសៀមរាបជាប់ពាក់ព័ន្ធករណី ជួញដូរ ចាត់ចែង និងប្រើប្រាស់ មានសារធាតុ ញៀនក្នុងខ្លួន និងទី៧-ឈ្មោះ ឌី ស្រីណុច ហៅលីន ភេទស្រី ឆ្នាំកំណើត១៩៩៦ មុខរបរគ្មាន មាន ទីលំនៅ ភូមិ មណ្ឌល៣ សង្កាត់ស្លក្រាម ក្រុង ខេត្តសៀមរាប ជាប់ពាក់ព័ន្ធករណី សំរួលចាត់ចែង និងប្រើប្រាស់ មានសារធាតុ ញៀនក្នុងខ្លួន ។
ក្នុងប្រតិបត្តិការណ៍នេះដែរ កម្លាំងជំនាញបានធ្វើការដកហូវត្ថុតាងបានមួយចំនួនផងដែរ រួមមាន៖ ឧបករណ៍ប្រើប្រាស់គ្រឿងញៀនមួយចំនួន ,ទូរស័ព្ទដៃចំនួន០៤គ្រឿង និងម៉ូតូចំនួន០១គ្រឿង ហើយបានបញ្ចូនខ្លួនជនសង្ស័យទាំង០៧នាក់ទៅកាន់សាលាដំបូងខេត្តសៀមរាបនៅថ្ងៃទី២៥ ខែវិច្ឆិកា ឆ្នាំ២០១៩នេះ ដើម្បីចាត់ការទៅតាមនិតិវិធីបន្ត ៕
អត្ថបទ និងរូបភាព ៖ ថាច់ ពិសុទ្ធ
កែសម្រួល៖ អ៊ុន ណារាជ្យ
