ថ្លែងក្នុងឱកាសបើកបវេសនកាលឆ្នាំសិក្សាថ្មី ២០១៨-២០១៩ នៅវិទ្យាល័យ១០មករា១៩៧៩ កាលពីព្រឹកថ្ងៃទី០១ ខែវិច្ឆិកា ឆ្នាំ២០១៨ នេះ លោក ទៀ សីហា អភិបាលរងខេត្តសៀមរាប បានមានប្រសាសន៍ថា វិស័យអប់រំ គឺជាវិស័យគោល ហើយសិស្សានុសិស្ស គឺជាសរសរទ្រូងរបស់ប្រទេសជាតិ និងជាទំពាំងស្នងឬស្សីដើម្បីបន្ដវេនដឹកនាំនាវាកម្ពុជាឆ្ពោះទៅមុខនាពេលអនាគត។
ដូច្នេះតាមរយៈនៃបវេសនកាលឆ្នាំសិក្សាថ្មីនេះ ក្នុងនាមអាជ្ញាធរខេត្ត សូមក្រើនរំលឹក ដល់ក្មួយៗ ជាសិស្សានុសិស្សទាំងអស់ក្នុងខេត្ត ត្រូវខិតខំប្រឹងប្រែងរៀនសូត្រ ត្រងត្រាប់ស្ដាប់ការណែនាំ ការបង្ហាត់បង្រៀនរបស់លោកគ្រូ អ្នកគ្រូ ដើម្បីក្រេបយកចំណេះដឹងល្អៗ មកអភិវឌ្ឍន៍ខ្លួនឯង ឲ្យមានចំណេះដឹងខ្ពង់ខ្ពង់ ដើម្បីចូលរួមអភិវឌ្ឍន៍ប្រជាជាតិមាតុភូមិ ស្របតាមគោលនយោបាយរបស់រាជរដ្ឋាភិបាល ក៏ដូចជាការរក្សាបាននូវសុខសុវត្តិភាពសង្គម កំណើនសេដ្ឋកិច្ចជាតិប្រកបដោយចេរភាព ប្រជាធិបតេយ្យ និងរក្សាបាននូវសន្តិភាពសង្គម ដើម្បីបន្តឲ្យប្រជាជនកម្ពុជាយើង រស់នៅប្រកបដោយភាពសុខដុមរមនាជានិច្ចជានិរន្តន៍ និងសង្គមជាតិឲ្យមានភាពរីកចម្រើនរុងរឿង ៕
អត្ថបទ និង រូបថត ៖ លោក អ៊ិន សីហរិទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#សិស្សានុសិស្ស
