មានប្រសាសន៍ក្នុងកិច្ចប្រជុំបូកសរុបត្រួតពិនិត្យវាយតម្លៃ និងពង្រឹងការអនុវត្តការងារជំនាញនគរបាលប្រឆាំងបទល្មើសសេដ្ឋកិច្ចប្រចាំខែតុលា២០១៨ កាលពីថ្ងៃទី៣១ ខែតុលា ឆ្នាំ២០១៨ ម្សិលមិញនេះ។
លោកឧត្តមសេនីយ៍ត្រី ម៉ក់ធារ៉ា ស្នងការរងនគរបាលខេត្តសៀមរាប ទទួលការិយាល័យប្រឆាំងបទល្មើសសេដ្ឋកិច្ច បានក្រើនរំលឹកដល់កម្លាំងនគរបាលជំនាញទាំងអស់ ត្រូវបន្តការយកចិត្តទុកដាក់ចុះត្រួតពិនិត្យនៅក្នុងភូមិសាស្ត្រដែលខ្លួនគ្រប់គ្រង នូវផលិតផលទំនិញក្លែងក្លាយ , ទំនិញហួសការបរិច្ឆេតប្រើប្រាស់ , ទំនិញខូចគុណភាព , ទំនិញមានសារធាតុគីមី និង ការហាមឃាត់ឱសថក្លែងក្លាយ , ឱសថហួសកាលបរិច្ឆេតប្រើប្រាស់ , ឱសថមិនចុះបញ្ជីការ , ឱសថហាមលក់ ពិសេសការប្រើប្រាស់សេវាសុខាភិបាលឯកជន និងការធ្វើអាជីវកម្មផ្សេងៗទៀត ដែលគ្មានច្បាប់អនុញ្ញាត ដែលធ្វើឲ្យប៉ះពាល់ដល់សុខុមាលភាព និងសេដ្ឋកិច្ចគ្រួសារប្រជាពលរដ្ឋ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
