នៅម៉ោងជាង៩យប់ ថ្ងៃទី២៦ខែវិច្ឆិកា ឆ្នាំ២០១៩ បុរសម្នាក់បានស្លាប់ភ្លាមៗ ក្រោយបើកបរម៉ូតូក្នុងល្បឿនលឿន ធ្លាក់ ក្នុងរណ្តៅការដ្ឋានកំពុងសាងសង់ស្ពានមួយកន្លែង ស្ថិតក្នុងភូមិចំបក់ហែរ ឃុំពួក ស្រុកពួក ខេត្តសៀមរាប។
តាមឲ្យដឹងពីសមត្ថកិច្ចមូលដ្ឋាន ការដ្ឋាននេះ ជាគម្រោងរបស់ក្រសួងអភិវឌ្ឍន៍ជនបទ ទទួលអនុវត្តន៍គម្រោងដោយ ក្រុមហ៊ុនបន្ទាយស្រី នៅដើមឆ្នាំ២០១៩។
សមត្ថកិច្ច បញ្ជាក់ថា ការដ្ឋាននេះបានរៀបចំដាក់ស្លាកសញ្ញាមួយចំនួនបញ្ជាក់ថាជាការដ្ឋាន ប៉ុន្តែពុំមានរនាំងសុវត្ថិភាពឡើយ។
ក្រោយពេលកើតហេតុ កម្លាំងជំនាញបានចុះវាស់វែង និងពិនិត្យ សាកសពឃើញមានស្នាមរបួសផុងលលាក្បាលផ្នែកខាងស្តាំ បាក់ធ្មេញលើចំនួន៣។ បន្ទាប់ពីធ្វើពិនិត្យរួចរាល់ វត្ថុតាង សមត្ថកិច្ច បានយកទៅរក្សាទុកនៅអធិការដ្ឋាននគរបាលស្រុក។ ចំណែសាកសពជនរងគ្រោះ បានប្រគល់ជូនក្រុមគ្រួសារដើម្បីធ្វើបុណ្យតាមប្រពៃណី៕
បុរសម្នាក់បានស្លាប់ ក្រោយបើកបរក្នុងល្បឿនលឿន ធ្លាក់ក្នុងរណ្ដៅការដ្ឋាន ស្ថិត
បុរសម្នាក់បានស្លាប់ ក្រោយបើកបរក្នុងល្បឿនលឿន ធ្លាក់ក្នុងរណ្ដៅការដ្ឋាន ស្ថិតក្នុងស្រុកពួក#ព័ត៌មានខេត្តសៀមារប
Posted by ទូរទស្សន៍ជាតិខេត្តសៀមរាប – TV Siem Reap on Wednesday, November 27, 2019
អត្ថបទ និង រូបភាព ៖ លោក ខេង ឧត្តម
កែសម្រួលអត្ថបទ ៖ លោក សេង ផល្លី
